وبلىستىق پوليتسيا دەپارتامەنتى ءباسپاسوز قىزمەتىنىڭ اقپاراتىنا قاراعاندا, 28 شىلدەدە تاڭعى ساعات 6:00 شاماسىندا ءوزىن ورتەۋگە وقتالعان 32 جاستاعى جىگىت ماس كۇيدە بولعان. ول اتىراۋ قالالىق پروكۋراتۋراسىنىڭ عيماراتىنا كەلگەن.
«ماساڭ كۇيدەگى جىگىت قولىنا بەنزين قۇيىلعان بوتەلكە ۇستاپ, ءوزىن ورتەپ جىبەرەمىن دەپ قورقىتقان. پاترۋلدىك پوليتسيا قىزمەتكەرلەرى 1989 جىلى تۋعان ازاماتتى اتىراۋ قالالىق پوليتسيا باسقارماسىنا جەتكىزدى. قازىر ۇستالعان ازاماتقا قاتىستى قر قىلمىستىق كودەكسىنىڭ 105-بابىنىڭ 1-بولىگىمەن سوتقا دەيىنگى تەرگەۋ باستالدى. سونداي-اق, قر اكىمشىلىك قۇقىقبۇزۋشىلىق تۋرالى كودەكسىنىڭ 434 جانە 667-بابىمەن اكىمشىلىك حاتتامالار تولتىرىلدى», دەپ حابارلادى دەپارتامەنتتىڭ ءباسپاسوز قىزمەتى.
