قازاقستاندا اياق كيىمدى مىندەتتى تسيفرلىق تاڭبالاۋ 2021 جىلعى 1 قاراشادان ەنگىزىلەتىن بولادى. ياعني وسى ۋاقىتتان باستاپ تاڭبالانباعان اياق كيىمنىڭ وندىرىسىنە جانە ونىڭ قر اۋماعىنا اكەلىنۋىنە تىيىم سالىنادى. ال بولشەك ساۋدا بيزنەسىندە تاڭبالانباعان تاۋارلاردىڭ قالدىقتارىن ساتۋ ءۇشىن 2022 جىلدىڭ 1 قاراشاسىنا دەيىن قوسىمشا مەرزىم بار.
جاڭا ەرەجەلەر بويىنشا جۇمىس ىستەۋ ءۇشىن وندىرۋشىلەر مەن يمپورتتاۋشىلار تاڭبالاۋ جۇيەسىندە (markirovka.kz) تىركەلۋ كەرەك. تاڭبالاۋ كودتارىن شىعارۋ ءۇشىن جۇيەگە وندىرىلەتىن جانە يمپورتتالاتىن ءونىم تۋرالى اقپاراتتى ەنگىزۋ قاجەت. وسىنداي ءبىر كودتىڭ قۇنى 2,68 تەڭگەنى قۇرايدى.
قازىرگى ۋاقىتتا اياق كيىم تاۋارلارىنىڭ اينالىمى 96% - يمپورت, 4% - ىشكى ءوندىرىس بولىپ سيپاتتالادى. اياق كيىم ىشكى نارىعىنىڭ دامۋىن كولەڭكەلى اينالىم ايتارلىقتاي شەكتەيدى.
