كوروناۆيرۋس • 30 شىلدە، 2021

ىندەتتەن جازىلعاندارعا ۆاكتسينا قاجەت پە؟

102 رەت كورسەتىلدى

قازىرگى تاڭدا كۇن تارتىبىندە كۇيىپ تۇرعان باستى ماسەلە – حالىقتىڭ دەنساۋلىعىن ساقتاپ، ىندەت شەڭ­گەلىنەن شىعۋ. وسى رەتتە الماتىدا وتكەن كەزەكتى بريفينگ­تە قازاقستاننىڭ پروفيلاكتيكالىق مەديتسينا اكا­دەمياسىنىڭ پرەزيدەنتى الماز شارمان ۆاكتسينا الماعان ازاماتتار مەن انتيۆاكسەرلەردىڭ جاعدايىن ءجۇزىپ كەلە جاتقان كەمەگە قاۋىپ توندىرەتىن ايسبەرگپەن سالىستىردى.

«مەن ادەتتە وسى اللەگوريا­نى كەلتىرەمىن: ءبىز ءبارىمىز كەمەدە ءجۇزىپ ءجۇرمىز جانە ىندەت كەزەڭى جوق، بەتپەردە تاعۋعا بولمايتىن ارالدامىز. بۇل كەمە­نىڭ جولىندا كەنەتتەن ۇلكەن ايسبەرگ توسقاۋىل بولادى دا، ءبىز سوعان قاراي بەت الدىق. ايسبەرگ دەرتىن جۇقتىرعاندار – بۇل ۆاكتسينا الماعانداردىڭ ءبارى. ايسبەرگكە تاپ بولماس ءۇشىن ءبىز كەمەنى توقتاتۋ ءۇشىن بار كۇشىمىزدى سالامىز. ول ءۇشىن تۇمشالانىپ، كارانتين جاريالايمىز. ينفەكتسيانىڭ الدىن الۋدىڭ  جالعىز جولى – ايسبەرگتى ەرىتەتىن  ەكپە سالدىرۋ. ال مۇنى تەك ۆاكتسينا ارقىلى عانا جاساۋعا بولادى»، دەيدى الماس شارمان.

عالىمنىڭ ايتۋىنشا، ۆاكتسينا الماعان قازاقستاندىقتاردىڭ 80%-دان استامى ءوز دەنساۋلىعىنا جانە جاقىندارىنىڭ، اسىرەسە قارت ادام­­داردىڭ دەنساۋلىعىنا قاۋىپ ءتون­­دىرىپ وتىر. ۆيرۋسولوگ الماتى تۇر­­عىن­دارى ەكپە الۋ ارقىلى كو­رو­نا­­ۆي­­رۋستىڭ مۋتاتسياسىنا كە­دەر­گى كەل­تىرۋى مۇمكىن ەكەنىن ايتىپ، ۆيرۋس ۆاك­­­تسي­نالانباعان ادام­دار­دىڭ دە­­نە­سىندە عانا وزگەرەتىنىن ءتۇسىندىردى.

«عالىمدار كوروناۆيرۋستىڭ بۇل نۇسقاسى نەگە جۇقپالى ەكەنىن ءتۇسىندى. ويتكەنى مۋتاتسيا گەننىڭ ءبىر بولىگىندە پايدا بولادى. ول ينتەرفەرون دەپ اتالاتىن يممۋندىق مولەكۋلانىڭ تۇزىلۋىنە كەدەرگى كەلتىرەدى. بۇل يممۋن­دىق قورعانىستى جۇمىلدىرۋ ءۇشىن وتە ماڭىزدى. ۆيرۋس ادام اعزاسىنا تۇسكەن كەزدە ينتەرفەرون ءوندىرىسىن تەجەيدى، يممۋندىق قورعانىس وتە باياۋ باستالادى جانە ۆيرۋس مۇرىن قۋىسىندا كوپ مولشەردە جينالىپ، جەرگىلىكتى قابىنۋدى تۋدىرادى. جۇقتىرعان ادام تۇشكىرە باستايدى جانە ينفەكتسيانى تەز تاراتادى. بۇل – «دەلتا» نۇسقاسىنىڭ بىردەن-ءبىر بەلگىسى»، دەيدى عالىم.

سونداي-اق ۆيرۋسولوگ كورونا­ۆي­رۋستى قايتا جۇقتىرۋدىڭ سەبە­بىن ءتۇسىندىردى. 2020 جىلدىڭ قارا­شا ايىندا اقش-تا جۇرگەندە ول دجونس حوپكينس پەن ستەنفورد ۋني­ۆەر­سيتەتىندەگى ارىپتەستەرىمەن قايتا جۇق­تىرۋدىڭ بەس جاعدايىن تال­قى­لا­عان جانە اۋرۋدان كەيىن يممۋندىق قور­عانىستى زەرتتەۋ قيىن دەپ سانايدى.

«ەندى ءبىز اۋىرعان جانە انتيدە­نە­لەرى بار ادامدار دا قايتالا­ناتىن ينفەكتسيالارعا ۇشىراۋى مۇم­كىن ەكەنىن تۇسىندىك. بۇل ۆيرۋس­تىڭ مۋتاتسياسىنا بايلانىستى. قا­زىر ءتۇرلى مالىمەتتەر بويىنشا جاڭا ين­فەكتسيالاردىڭ شامامەن 20%-ى بۇرىن اۋىرعان ازاماتتاردا باي­قالدى. بۇل ناۋقاستار ءۇشىن ۆاك­تسينانىڭ ماڭىزدىلىعىن كورسەتەدى. ۆاكتسينا يممۋندىق قورعانىستى ايتارلىقتاي كۇشەيتۋگە جانە قايتا جۇقتىرۋدان قورعانۋعا كومەك­تە­سەدى»، دەدى ا.شارمان.

عالىم الماتىداعى ىندەت تارا­لۋى­نىڭ ۇلەسى قارت ادامداردان جاس ادامدارعا اۋىسقانىن اتادى. ولار يممۋندىق جۇيەنى جاتتىقتىرۋ ءۇشىن ۆاكتسينا الۋى كەرەك.

 

الماتى

 

سوڭعى جاڭالىقتار

قانشا ادام ۆاكتسينا سالدىردى؟

كوروناۆيرۋس • بۇگىن، 09:16

ۇقساس جاڭالىقتار