سۋرەت polisia.kz
«كولىك پوليتسەيلەرى «ۆكونتاكتە» الەۋمەتتىك جەلىسىنە مونيتورينگ جۇرگىزۋ كەزىندە 36 جاستاعى ەر ازاماتتان الەۋمەتتىك جەلىدە ءداستۇرلى ەمەس يسلام يدەيالارىن ناسيحاتتاعان اۋديو دارىستەردى ساقتاۋ فاكتىسىن انىقتادى», دەدى كولىكتەگى پوليتسيا دەپارتامەنتىنىڭ ەكسترەميزمگە قارسى ءىس-قيمىل باسقارماسىنىڭ باستىعى ەرلان الىموۆ. ونىڭ ايتۋىنشا, ازامات تەمىرجول ۇيىمدارىنىڭ بىرىندە جۇمىس ىستەيدى.
ءدىنتانۋ ساراپتاماسىنىڭ ناتيجەسى بويىنشا اۋديوجازباعا قازاقستان رەسپۋبليكاسىنىڭ اۋماعىندا تىيىم سالىنعانى انىقتالدى.
جامبىل وبلىسى شۋ اۋداندىق سوتىنىڭ شەشىمىمەن ازاماتقا قر اقبتك 453-بابىنىڭ 3-بولىگى, ياعني قازاقستان رەسپۋبليكاسىنىڭ كونستيتۋتسيالىق قۇرىلىسىن كۇشتەپ وزگەرتۋدى, ونىڭ تۇتاستىعىن بۇزۋدى, مەملەكەت قاۋىپسىزدىگىنە نۇقسان كەلتىرۋدى, سوعىستى, الەۋمەتتىك, ناسىلدىك, ۇلتتىق, ءدىني, تەكتىك-توپتىق جانە رۋلىق ارازدىقتى قوزدىرۋدى, قاتىگەزدىككە تابىنۋدى, زورلىق-زومبىلىق پەن پورنوگرافيانى ناسيحاتتاۋعا نەمەسە ۇگىتتەۋگە باعىتتالعان مالىمەتتەر مەن ماتەريالداردى قامتيتىن بۇقارالىق اقپارات قۇرالدارىنىڭ ءونىمىن قازاقستان رەسپۋبليكاسىنىڭ اۋماعىندا ساقتاۋ بويىنشا اكىمشىلىك جاۋاپكەرشىلىككە تارتىلىپ, 20 اەك كولەمىندە اكىمشىلىك ايىپپۇل سالىندى.
