پرەزيدەنت • 29 شىلدە، 2021

اسحات ايماعامبەتوۆ پرەزيدەنتكە جاڭا وقۋ جىلىنا دايىندىق تۋرالى ەسەپ بەردى

86 رەت كورسەتىلدى

مەملەكەت باسشىسى ءبىلىم جانە عىلىم ءمينيسترى اسحات ايماعامبەتوۆتى قابىلدادى، دەپ جازادى Egemen.kz اقورداعا سىلتەمە جاساپ.

فوتو: اقوردا

مينيستر قاسىم-جومارت توقاەۆقا ءبىلىم جانە عىلىم سالاسىن دامىتۋ جونىندەگى تاپسىرمالاردىڭ ورىندالۋى جانە جاڭا وقۋ جىلىنا دايىندىق بارىسى تۋرالى ەسەپ بەردى. ءداستۇرلى وقۋ فورماتىنا ورالۋ ءۇشىن جۇرگىزىلىپ جاتقان ۇيىمداستىرۋ شارالارى تۋرالى باياندادى.ء «بىلىمدى ۇلت» ۇلتتىق جوباسىنىڭ دايىندالۋى، جولداۋدا جانە ۇلتتىق قوعامدىق سەنىم كەڭەسىنىڭ وتىرىستارىندا بەرىلگەن پرەزيدەنت تاپسىرمالارىنىڭ ورىندالۋى جايىندا مالىمەت بەردى.

اسحات ايماعامبەتوۆتىڭ ايتۋىنشا، ۇلتتىق قوعامدىق سەنىم كەڭەسىنىڭ وتىرىستارىندا بەرىلگەن تاپسىرمالاردىڭ 43 پايىزى ءبىلىم جانە عىلىم سالاسىنا قاتىستى. «وقۋعا قۇشتار مەكتەپ» جوباسىنىڭ اياسىندا مەكتەپ كىتاپحانالارىنىڭ قىزمەتىن قايتا قالىپتاستىرۋ جانە كوركەم ادەبيەت پەن بالالار ادەبيەتىن ساتىپ الۋ جۇمىستارى اتقارىلىپ جاتىر. سونداي-اق ەرەكشە قامقورلىقتى قاجەت ەتەتىن بالالاردى قولداۋ جۇمىستارى جۇرگىزىلىپ جاتىر.

ءبىلىم جانە عىلىم ءمينيسترى مەملەكەت باسشىسىنا ۆەدومستۆونى كاسىبي كادرلارمەن، سونىڭ ىشىندە، الەمنىڭ جەتەكشى ۋنيۆەرسيتەتتەرىنىڭ تۇلەكتەرىمەن جانە جاستار كادرلىق رەزەرۆىنىڭ مۇشەلەرىمەن كۇشەيتۋ ءۇشىن جۇرگىزىلىپ جاتقان جۇمىستار تۋرالى ايتتى. سونداي-اق ساپاسىز جوعارى وقۋ ورىندارىن جابۋعا قاتىستى پرەزيدەنت تاپسىرمالارىنىڭ ورىندالۋى جونىندە مالىمەت بەردى.

مەملەكەت باسشىسى مينيسترگە بۇل باعىتتاعى جۇمىستاردى كۇشەيتۋدى، سونداي-اق، ساپاسىز ۋنيۆەرسيتەتتەردىڭ ليتسەنزياسىن قايتارىپ الۋ جانە ولاردىڭ جۇمىس ىستەۋىنە مەرزىم بەلگىلەۋ راسىمدەرىن جەڭىلدەتۋ ءۇشىن زاڭنامالىق تۇرعىدان تۇزەتۋلەر ەنگىزۋ ماسەلەسىن قاراستىرۋدى تاپسىردى.

قاسىم-جومارت توقاەۆ مەملەكەتتىك جوعارى وقۋ ورىندارى قىزمەتكەرلەرىنىڭ ەڭبەكاقىسىن بيىلعى 1 قىركۇيەكتەن باستاپ ارتتىرۋ ماڭىزدى ەكەنىن اتاپ ءوتتى.

سونىمەن قاتار پرەزيدەنت وقۋشىلار اراسىندا وتەتىن حالىقارالىق وليمپيادا جەڭىمپازدارىن قولداۋ شارالارىن ازىرلەۋدى تاپسىردى.

سوڭعى جاڭالىقتار

زاڭ ءبىلىمىنىڭ ساپاسى قارالدى

پارلامەنت • بۇگىن، 08:10

شەرحاننىڭ شامىرقانىسى

ادەبيەت • كەشە

مەيىرىم ءپالساپاسى

رۋحانيات • كەشە

تۋريستەر تورگە وزسا...

ايماقتار • كەشە

ورالحاننىڭ وبرازى

ادەبيەت • كەشە

اۋەزوۆتىڭ عادەتى

ادەبيەت • كەشە

ۇقساس جاڭالىقتار