رەسەي فەدەراتسياسىنىڭ ازاماتشاسى 1998 جىلدان باستاپ ءوز ەلىندە زەينەتاقى الا باستاعان. بىراق زەينەتاقى سوماسى وعان جەتكىلىكسىز بولىپ, 2006 جىلى ول زەينەتاقى تولەۋ جونىندەگى قازاقستاندىق ورتالىققا جۇگىندى. ايەل ءوزىنىڭ جاسىنا بايلانىستى زەينەتاقى تاعايىنداۋ تۋرالى ءوتىنىشى مەن قر ازاماتىنىڭ جاساندى جەكە كۋالىگىن ۇسىندى.
ونىڭ قازاقستاندا دا, رەسەيدە دە ءبىر مەزگىلدە زەينەتاقى الىپ جۇرگەنى وتكەن جىلى بەلگىلى بولىپ, 2020 جىلدىڭ 1 شىلدەسىندە تولەمدەر توقتاتىلدى.
ءبىر جىلدان كەيىن, 2021 جىلدىڭ 1 شىلدەسىندە كوشى-قون قىزمەتى ونى «قازاقستاننىڭ ازاماتتىق تۋرالى زاڭناماسىن بۇزۋ» بابى بويىنشا اكىمشىلىك جاۋاپكەرشىلىككە تارتتى.
رەسەيلىك ايەل 14 جىل ىشىندە 9,5 ملن تەڭگەگە زەينەتاقى العانى انىقتالدى. سوت ەڭبەك, الەۋمەتتىك قورعاۋ جانە كوشى-قون كوميتەتى دەپارتامەنتىنىڭ تالاپ-ارىزىن قاناعاتتاندىرىپ, ايەلدەن مەملەكەت كىرىسىنە 9,5 ملن تەڭگە ءوندىرىپ الدى.
شەشىم زاڭدى كۇشىنە ەنگەن جوق.
