قازاقستان • 29 شىلدە، 2021

مادەنيەت جانە سپورت ءمينيسترى بولات اتاباەۆتىڭ وتباسىنا كوڭىل ايتتى

124 رەت كورسەتىلدى

قازاقستان رەسپۋبليكاسى مəدەنيەت جəنە سپورت ءمينيسترى اقتوتى رايىمقۇلوۆا بەلگىلى رەجيسسەر بولات اتاباەۆتىڭ ومىردەن وتۋىنە بايلانىستى تۋىسقاندارىنا كوڭىل ايتتى، دەپ جازادى Egemen.kz.

«بولات اتاباەۆتىڭ وتباسى مەن تۋعان-تۋىستارىنا!

قازاقستان رەسپۋبليكاسى مəدەنيەت جəنە سپورت مينيسترلىگىنىڭ اتىنان تانىمال تەاتر رەجيسسەرى، دراماتۋرگ، قوعام قايراتكەرى، قازاقستاننىڭ ەڭبەك سىڭىرگەن قايراتكەرى، «گيوتە» مەدالىنىڭ يەگەرى بولات ماناش ۇلى اتاباەۆتىڭ قايتىس بولۋىنا بايلانىستى وتباسى مەن جاقىندارىنىڭ قايعىسىنا ورتاقتاسىپ، كوڭىل ايتامىن.

بولات ماناش ۇلى سانالى عۇمىرىن حالىقتىڭ رۋحانياتىن بايىتۋعا ارناعان بولمىسى بولەك ونەر ادامى ەدى. ۇزاق جىلدار بويى رەسپۋبليكالىق نەمىس دراما تەاترى مەن م.اۋەزوۆ اتىنداعى قازاق ۇلتتىق اكادەميالىق دراما تەاترىندا قىزمەت ەتىپ، ورەلى كورەرمەننىڭ جوعارى باعاسىنا يە بولعان قويىلىمداردى ساحنالادى.

ونەگەلى ءومىر يەسىنىڭ، ورتاسىنا سىيلى ونەر مايتالمانىنىڭ اسىل بەينەسى قالىڭ قازاقتىڭ كوڭىل ءتورى مەن جۇرەك تۇكپىرىندە مəڭگى ساقتالادى. مارقۇمنىڭ كوزى تىرىسىندە جاساعان يگى-جاقسى امالدارى الدىنان جارىلقاسىن. جاتقان جەرى جايلى، توپىراعى تورقا بولسىن»، دەپ جازدى مينيستر ءوزىنىڭ الەۋمەتتىك جەلىدەگى پاراقشاسىنا.

سوڭعى جاڭالىقتار

ءالتىنساريننىڭ ادامي بولمىسى

رۋحانيات • بۇگىن، 00:01

ۋاقىت جاراتقان ۇلى جىر

ادەبيەت • كەشە

ۇقساس جاڭالىقتار