قر باس سانيتارلىق دارىگەرىنىڭ قاۋلىسى بويىنشا قازاقستاننىڭ حالىققا قىزمەت كورسەتۋ ورتالىقتارى ازاماتتاردى الدىن الا برونداۋ ارقىلى عانا قابىلدايدى. جۇمىس كەستەسى دە قىسقاردى, فرونت-وفيستەر تاڭعى 9-دان كەشكى 6-عا دەيىن مەملەكەتتىك قىزمەت كورسەتەدى. ەلىمىزدىڭ بارلىق ايماقتارىندا حقكو بەس كۇندىك اپتاعا اۋىستىرىلدى, سەنبى مەن جەكسەنبىى كۇندەرى جۇمىس ىستەمەيدى.
شەكتەۋ شارالارىنا بايلانىستى كۇنىنە ازاماتتاردىڭ شەكتەۋلى سانىن عانا قابىلداي الادى. وسى تۇرعىدا «ازاماتتارعا ارنالعان ۇكىمەت» مەملەكەتتىك كورپوراتسياسى فرونت-وفيستەردە قىزمەت كورسەتۋ ۋاقىتىن 20 مينۋتتان 15 مينۋتقا دەيىن قىسقارتۋ تۋرالى شەشىم قابىلدادى. بۇل كۇنىنە قىزمەت الۋشىلار سانىن 25%-عا كوبەيتتى. ەندى ءبى قىزمەتكەرگە ءبىر ساعات ىشىندە 4 كليەنتكە قىزمەت كورسەتە ءالادىى. ەسكى برونداۋ جۇيەسى بويىنشا ءبىر ساعاتتا تەك ءۇش ادامدى قابىلداۋ مۇمكىن بولعان.
«جاڭا جۇيە ەنگىزىلگەننەن كەيىن ەسكى ۋاقىت بويىنشا كەزەككە تاپسىرىس بەرگەن كليەنتتەرمەن تۇسىنىسپەۋشىلىك ورىن الىپ جاتىر. ءبىز بۇنى الدىن-الا بولجادىق جانە بۇل ماسەلەلەر سول جەردە-اق شەشىلەدى. بىزگە ءبىراز ۋاقىت قاجەت, ويتكەنى جاڭا جۇيە بويىنشا برونداۋ پروتسەسى ءجۇرىپ جاتىر. بىرنەشە كۇن ىشىندە جۇمىس قالىپقا كەلەدى, حقكو كوبىرەك ادام قابىلداي الادى», دەدى «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ قوعاممەن بايلانىس جونىندەگى باسقارۋشى ديرەكتورى بايرام ازيزوۆ.
ايتا كەتەيىك, حالىققا قىزمەت كورسەتۋ ورتالىعىنا كىرۋ ءۇشىن «Ashyq» قوسىمشاسى قولدانىلادى.
