1975-2019 جىلدار ارالىعىندا ايتۋلى جارىستىڭ جالاۋى 20 مارتە جەلبىرەدى. سول باسەكەلەردىڭ توعىزى جاپون جىگىتتەرىنىڭ جارقىن جەڭىسىمەن اياقتالدى. وڭتۇستىك كورەيانىڭ وعىلاندارى ءتورت مارتە تەڭدەسسىز دەپ تانىلسا, قىتاي مەن يراننىڭ وكىلدەرى ءۇش رەتتەن باس جۇلدەنى ولجالادى. تاعى ءبىر التىن مەدالدى اۋستراليانىڭ ورەندەرى مويىندارىنا ءىلدى.
قازاقستان قۇراماسى ەكى رەت فينالعا دەيىن جەتتى. العاش رەت جەرلەستەرىمىز 1993 جىلى تايلاندتىڭ ناكحونراتچاسيما قالاسىندا جاسىنداي جارقىرادى. قۇرامىندا باقىتجان بايتورەەۆتەي سەركە ويىنشىسى بار ءبىزدىڭ كوماندا اقتىق سىندا كورەيلەرگە ەسە جىبەردى. 2017 جىلى يندونەزيانىڭ گرەسيك قالاسىندا ءدال سونداي ناتيجەگە قول جەتكىزدىك. بۇل جولى جاپونيانىڭ ۆولەيبولشىلارىنا ءالىمىز جەتپەدى.
بيىلعى چەمپيوناتتا قازاقستاننىڭ بويشاڭ جىگىتتەرى D توبىندا وينايدى. توپتىق تۋرنيردەگى قارسىلاستارىمىز – وڭتۇستىك كورەيا, تايپەي جانە ساۋد ارابياسى قۇراماسى.
