تەحنولوگيا • 29 شىلدە، 2021

تەحنيكالىق رەتتەۋدىڭ تسيفرلى تەتىگى

78 رەت كورسەتىلدى

بيىل 1 شىلدەدەن باستاپ، «تەحنيكالىق رەتتەۋ تۋرالى» زاڭ جاڭا تولىقتىرۋلارىمەن كۇشىنە ەنىپ، تەحنيكالىق رەتتەۋدىڭ اقپاراتتىق جۇيەسىنە ستاندارتتاۋ مەن اككرەديتتەۋگە، سايكەستىكتى باعالاۋ مەن ولشەم بىرلىگىن قامتاماسىز ەتۋگە قاتىستى وزگەرىستەر ەنگىزىلگەن ەدى.

تەحنيكالىق رەتتەۋ جانە مەت­رولوگيا كوميتەتىنىڭ ءباسپاسوز قىزمەتى بەرگەن مالىمەتكە سۇيەن­سەك، بۇل رەفورمانىڭ اياسىندا «ە-سەرتيفيكاتتاۋ» سايكەستىكتى باعالاۋ باعىتىندا ەلەكتروندى سەرتيفيكاتتاۋ قىزمەتىنىڭ قاناتقاقتى جوباسى ىسكە قوسى­لىپ، ەلەكتروندى تۇردە ساي­كەس­­تىكتى راستاۋ جونىندەگى قۇجات­تاردى بەرۋ پروتسەستەرى تو­لىق باقىلاۋعا الىندى. وسى ار­قىلى سايكەستىكتى باعالاۋعا ارنال­عان قۇجاتتاردى ەسەپ تۋرالى بلانكىلەرگە جۇگىنبەي، ەلەكتروندى فورماتتا ۇسىنۋعا جول اشىلىپ وتىر.

جاڭا اقپاراتتىق جۇيەنىڭ باس­تى مىندەتى – كولەڭكەلى سەرتي­في­كاتتاۋدىڭ الدىن الۋ، سونداي-اق بۇكىل پروتسەستى تسيفرلى تەحنولوگيالار ارقىلى اۆتونومدى رەجىمگە بەيىمدەۋ. ءسويتىپ، ساي­كەستىكتى باعالاۋ بارىسىندا وتىنىمدەردى قاراۋ مەرزىمىن مەيىلىنشە قىسقارتۋ.

زاڭنىڭ جاڭا رەداكتسياسىن­داعى تاعى ءبىر وزگەرىستەردىڭ ءبى­رى – «كامەرالدى باقىلاۋ­دى» ەن­گىزۋ. كوميتەت وكىلدەرىنىڭ ايتۋىن­شا، ونىڭ ارتىقشىلىعى ءتيىس­­تى تالاپتاردىڭ بۇزىلۋىن ۋاقتىلى انىقتاپ، وعان جول بەرمەۋگە، سول سەكىلدى قاداعالاۋ سۋبەكتىلەرىنە ورەسكەل قاتەلىك­تەردى رەتتەۋگە مۇمكىندىك بەرەدى.    

بۇعان قوسا مامانداردىڭ بارۋىن قاجەت ەتپەيتىن پروفيلاك­تيكالىق باقىلاۋ تەتىگى ىسكە قو­سىلادى دەپ كوزدەلىپ وتىر. بۇل جۇيە  باقىلاۋداعى ءونىمنىڭ 120 توبىن، 180 مىڭداي شارۋاشىلىق جۇرگىزۋ قۇقىعىنداعى سۋبەكتىنى (ستاتيستيكا پورتالىنىڭ دەرەگى بويىنشا)، 1500 اككرەديتتەۋ سۋبەكتىسىن جانە 40-تان اس­تام ساراپتامالىق ۇيىمدى قامتى­ماق. بۇل رەتتە وڭىرلەر بويىنشا ينسپەكتورلاردىڭ ناقتى شتاتى 95 ادامدى قۇرايتىنىن ايتا كەتكەن ورىندى. قولدانىستاعى جۇيەدە باقىلاۋ جۇمىستارى تۇسەتىن شاعىمدار مەن مەملە­كەتتىك ورگانداردىڭ حابارلامالارى نەگىزىندە جوسپاردان تىس تەكسەرۋلەرمەن جۇزەگە اسىرىلىپ كەلدى.

بۇگىندە بەلگىلەنگەن تالاپتار بۇزىلعان جاعدايدا ءتيىستى حابارلامانى اۆتوماتتى رەجىمدە جىبەرۋ تەتىكتەرى پىسىقتالىپ جاتىر. ۋاقىتتى ۇنەمدەۋ ءۇشىن اتالعان كەمشىلىكتەر تۋرا­لى حابارلامانى ەلەكتروندى تۇر­دە (سمس، پورتالدىڭ جەكە كابي­نە­تىنە حابارلامالار، e-gov.kz) جەت­كىزۋ مۇمكىندىكتەرى قاراس­تىرىلۋدا.

تۇتاستاي العاندا، 90-نان استام بيزنەس-پروتسەسس، سول سەكىلدى تەحنيكالىق رەتتەۋ، ستاندارتتاۋ جانە مەترولوگيا مەملەكەتتىك جۇيەلەرىنىڭ 3 ءتىزىلىمى اۆتوماتتاندىرىلدى.

تەحنيكالىق رەتتەۋدىڭ بار­لىق ۇدەرىسىنە تۇراقتى نەگىزدە 2 مىڭنان استام ۇيىم (ترمك، قازستاندارت، ۇاو، سەرتيفيكاتتاۋ جونىندەگى ورگاندار، زەرتحانالار، تەحنيكالىق كوميتەتتەر، وقۋ ورتالىقتارى جانە ت.ب.) قاتىسىپ كەلەدى. ال سايكەستىكتى باعالاۋ وتىنىمدەرى نەگىزىندە 10 مىڭعا جۋىق زاڭدى تۇلعا ء(وتى­نىش بەرۋشىلەر) قاتىسۋعا نيەت ءبىلدىرىپ وتىر.

جاۋاپتى ۆەدومستۆونىڭ دە­رە­گىنە سەنسەك، بيىل ءبىلىم بە­رۋ، مەديتسينالىق ۇيىمداردا، ونەر­كاسىپ ورىندارىندا، سونداي-اق سىناق زەرتحانالارىندا تالاپقا ساي كەلمەيتىن ولشەۋ قۇرالدارىن قولدانۋدىڭ كوپتەگەن جاعدايى انىقتالدى. سايكەستىكتى باعا­لاۋ ءتارتىبىنىڭ ساقتالماۋى جە­كە قورعانىش قۇرالدارىن، اۆتو­حيمياعا ارنالعان ونىمدەردى جا­نە باسقا دا ونەركاسىپتىك تاۋار­دى سەرتيفيكاتتاۋ كەزىندە اشكە­رەلەندى.

جوسپاردان تىس تەكسەرۋلەردىڭ ناتيجەسىندە مەملەكەتتىك ءبىلىم بەرۋ ۇيىمدارىندا ءتيىستى تەكسەرۋدەن وتپەگەن ولشەم قۇرال-جابدىقتارى (تونومەتر، تارا­زى، روستومەر، تەرمومەتر) قولدا­نىل­عانى بەلگىلى بولدى. بۇل ءوز كە­زەگىندە «ولشەم بىرلىگىن قام­تاماسىز ەتۋ تۋرالى» زاڭنىڭ 19-بابىن بۇزۋ بولىپ سانالا­دى. ءدال وسىنداي ولقىلىق مە­دي­­تسينالىق ورتالىقتاردا دا (قان قىسىمىن ولشەۋگە ارنال­عان اسپاپ، مولشەرلەگىش، بيوحي­ميالىق اۆتوماتتى اناليزاتور، جاناسپايتىن ينفراقىزىل تەرمومەترلەر) ورىن العان. بۇدان بولەك ءوندىرىس سالاسىندا، اتاپ ايتقاندا تاماق ونەركاسىبىندە كەدەن وداعىنىڭ 022/2011 «تا­ماق ونىمدەرىن تاڭبالاۋ» تەحني­كالىق رەگلامەنتىنىڭ تالاپتارى بۇزىلعانى انىقتالسا كەرەك.

ساۋدا جانە ينتەگراتسيا مي­نيسترلىگى تەحنيكالىق رەتتەۋ جا­نە مەترولوگيا كوميتەتىنە ­قا­­راستى دەپارتامەنتتەر بيىل­عى 6 ايدا 191 تەكسە­رۋ جۇر­گى­زىپتى. ونىڭ ىشىندە جوس­­پار­دان تىس 85 تەكسەرۋ، 83 پرو­في­­لاكتيكالىق باقىلاۋ جا­نە باس­قا مەملەكەتتىك ورگاندار­مەن بىرلەسكەن 21 تەكسەرۋ وتكى­زىل­گەن. بارلىعى 109 نىساندا كەم­شى­لىكتەر انىقتالدى جانە 91 ۇيعارىم بەرىلىپ، سالىنعان ايىپ­پۇلدىڭ كولەمى 35 ملن تەڭگە­گە جۋىق­تادى. سونىمەن قاتار 5 جال-­
­عان سەرتيفيكات انىقتالىپ، ولار­دىڭ كۇشى دەرەۋ جويىلعان.

 

سوڭعى جاڭالىقتار

مارافون نەسىمەن ماڭىزدى؟

الەم • 26 قىركۇيەك، 2021

تاعدىرى تەمىردەي شىڭداعان قايراتكەر

قازاقستان • 26 قىركۇيەك، 2021

شەكتەۋدە شيرىققان شاعىن بيزنەس

بيزنەس • 26 قىركۇيەك، 2021

پياندج وزەنىندەگى ەرلىك

تاريح • 26 قىركۇيەك، 2021

ەڭبەكپەن ەسەيگەن ەر

قازاقستان • 26 قىركۇيەك، 2021

بەيتانىس ساعىنىش

الەم • 26 قىركۇيەك، 2021

Astana Open ءتۋرنيرى اياقتالدى

سپورت • 26 قىركۇيەك، 2021

شەكاراشىلار ەليتالىق اسكەر بولسا...

قازاقستان • 26 قىركۇيەك، 2021

ۇلىبريتانيادا تانىستىرىلادى

وقيعا • 26 قىركۇيەك، 2021

وبلىس ورتالىعىنىڭ دەنى اۋىز سۋسىز وتىر

ايماقتار • 26 قىركۇيەك، 2021

مۇراعاتتاردىڭ ءحالى مۇشكىل

قوعام • 26 قىركۇيەك، 2021

نۇر-سۇلتان اۋەجايىندا ءتۇتىن شىقتى

ەلوردا • 26 قىركۇيەك، 2021

جالعىزدىق ارالى

كينو • 26 قىركۇيەك، 2021

تەننيس: Astana Open ءتۋرنيرى اياقتالدى

سپورت • 26 قىركۇيەك، 2021

ەلوردادا قار جاۋادى

قازاقستان • 26 قىركۇيەك، 2021

بالالار الاڭىنداعى تج: بالا ەسىن جيدى

ايماقتار • 26 قىركۇيەك، 2021

قاراعاندى-بالقاش تاس جولى جوندەلۋدە

ايماقتار • 26 قىركۇيەك، 2021

الماتىدا كىتاپ فەستيۆالى ءوتىپ جاتىر

ايماقتار • 26 قىركۇيەك، 2021

ماسكەۋدە جەتى جۇلدە الدىق

سپورت • 26 قىركۇيەك، 2021

ەلوردادا Astana Marathon-2021 ءوتىپ جاتىر

ەلوردا • 26 قىركۇيەك، 2021

بۇگىن ماشينا جاساۋ كۇنى

قازاقستان • 26 قىركۇيەك، 2021

قىزىلوردا وبلىسى «جاسىل» ايماققا ءوتتى

كوروناۆيرۋس • 26 قىركۇيەك، 2021

قانشا قازاقستاندىق ۆاكتسينا سالدىردى؟

كوروناۆيرۋس • 26 قىركۇيەك، 2021

قازاقستاندا ەڭبەك كۇنى اتاپ وتىلەدى

قازاقستان • 26 قىركۇيەك، 2021

سقو-دا جۇك كولىگى جىلۋ قۇبىرىنا سوعىلدى

ايماقتار • 25 قىركۇيەك، 2021

ۇقساس جاڭالىقتار