كوروناۆيرۋس • 29 شىلدە، 2021

«قىزىل» مارتەبەمەن قىدىرىپ جۇرگەندەر كوپ

48 رەت كورسەتىلدى

قانشا جەردەن ايتىلسا دا، الماتىنىڭ ساۋدا ورىندارى ىندەت جۇقتىرۋدا كوش باستاپ تۇر. الماتى قالاسىنىڭ باس سانيتارلىق دارىگەرى جانداربەك بەكشين ەپيدەميالىق احۋالدى زەرتتەۋ ناتيجەلەرىن ورتاعا سالعان كەزدە ءتىزىم باسىندا ساۋدا ورىندارى تۇرعانىن اتادى. مەگاپوليستە «جەدەل جاردەمدەردىڭ» زىر قاققان زارلاعان ءۇنى قايتا كوبەيسە دە، توي-تومالاقتى تىعىپ وتكىزىپ، ايلاسىن اسىرعانداي بولىپ جۇرگەن جۇرتتىڭ قاراسى بار.

«بازارلاردا ناۋقاستاردىڭ 16%-ى جۇقتىرادى، ينفەك­تسيا­نىڭ 19%-ىن وتباسىلارداعى باي­لانىستار تاراتىپ وتىر. ۇيگە ينفەكتسيا اكەلگەن ادامدار ء«ۇي وشاقتارى» دەپ اتالا­دى، بالالاردى دا، ۇلكەن تۋىس­ت­ارىن دا جۇقتىرادى. مەن جىل باسىندا بالالار ارا­­سىن­دا اۋرۋ ءورشيتىنىن ايت­قان­مىن، بىراق كوپشىلىك كۇمان­مەن قارا­دى. ەگەر وتكەن جىلى بارلىعى 280 وقۋشى اۋىرسا، بيىل 5 700 بالا ىندەتكە شال­دىقتى. بيىل 1 جاسقا دەيىنگى 200-دەي بالانى ۆيرۋس جۇقتىر­عانى انىقتالدى»، دەدى ج.بەك­شين.

الماتىدا دا سوڭعى ەكى اپتادا ۆيرۋس بالالار مەن جاس­تار اراسىندا بەلەڭ العان. 14 جاس­قا دەيىنگى بالالاردىڭ ۇلەس سالماعى 1%-عا ءوسىپ، جوعارى دەڭ­گەيى 14%-دى قۇرايدى. 40 پەن 59 جاستاعى ناۋقاستانعان ازامات­تاردىڭ ۇلەس سالماعى دا جوعارى دەڭگەيدە – 25%.

قالانىڭ 2 500-دەن اسا نىسانىندا جۇمىس ىستەپ تۇرعان Ashyq جۇيەسىنىڭ تيىمدىلىگى بار. قالادا كارانتين رەجىمىن بۇز­عانى ءۇشىن «قىزىل» مارتەبەلى 80 تۇرعىنعا ايىپپۇل سالىنىپ، ولاردىڭ اتى-ءجونى سانيتارلىق-ەپيدەميولوگيالىق باقىلاۋ دەپارتامەنتىنىڭ رەسمي سايتىندا دا جاريالاندى.

الماتىدا وتكەن اپتادا 14 كۇن بويى كارانتين شەكتەۋ­لەرىن ساقتاۋعا ءتيىس 200-دەن اسا ادام قوعامدىق تاماقتانۋ نىسان­دارىنا بارۋعا جانە ەلى­مىزدىڭ باسقا وڭىرلەرىنە ۇشۋعا تىرىسقان.

QR-كودتى Ashyq جۇيەسى ارقىلى سكانەرلەۋ كەزىندە قوعام­دىق تاماقتانۋ ورىن­دارىن­دا «قىزىل» 94 الما­تىلىق جانە «سارى» 24 الما­تى­لىق انىقتالدى. بۇلار ءدامحانا مەن مەيرامحانالارعا كىرۋگە تىرىستى.

«نەلىكتەن ءبىز قوعامدىق تا­ماق­تانۋ ورىندارىنا بارۋ ۋاقىتىن شەكتەدىك؟ بۇل قالا تۇرعىندارىنىڭ ءبىر-بىرىمەن ۇزاق ۋاقىت بايلانىستا بولىپ، 5-6 ساعات مەيرامحانا مەن ءدامحانالاردا بولۋىنا بايلانىستى. تۇنگى كلۋبتاردا تاڭ اتقانعا دەيىن كەلۋشىلەر بار. ەگەر مەكەمە تاپسىرىس بويىنشا جۇمىس ىستەسە، بۇل باسقا ماسە­لە»، دەيدى ج.بەكشين.

ءتورتىنشى ورىندا فيتنەس-ورتالىقتارى تۇر، سونداي-اق بەس كينوتەاتر جابىلدى.

سونىمەن قاتار ج.بەكشين كاسىپكەرلەر قاتارىنداعى Ashyq جوباسىنىڭ بارلىق قا­تى­سۋ­شىسى كەلۋشىلەردى تەكسەرۋ­گە جاۋاپكەرشىلىكپەن قا­راماي­تى­نىن ايتتى. تەكسەرۋ قورى­تىن­دىسى بويىنشا جوبادان 300 قاتىسۋشى كاسىپكەر شىعا­رىلدى. مەكەمەگە كىرگەن كەزدە كەلۋشىلەردىڭ QR-كود­تارىن سكانەرلەۋ جۇزەگە اسى­رىل­ماعانى ءۇشىن جوباعا كىر­مەۋى دە مۇمكىن.

باس سانيتارلىق دارى­گەر جوبانىڭ ادال قاتىسۋشى­لارى­نا العىسىن ءبىلدىردى. كا­سىپ­كەرلەردىڭ زاڭ بۇزۋشى­لىق­تارى انىقتالعان جاعدايدا Ashyq جۇيەسىنەن شىعارىپ قانا قوي­ماي، نىساننىڭ جۇمى­سىن توقتاتادى.

كارانتيندى قاساقانا بۇزۋ­شىلارعا قاتىستى قاتاڭ شارالار قابىلدانىپ جاتىر. جي­نال­عان ماتەريالداردى سا­ني­تارلىق دارىگەرلەر قىز­مەتىن توقتاتۋ ءۇشىن سوتتارعا بەرەدى. بيىل بارلىعى 75 ماتەريال بەرىلىپ، 65-ءى بويىنشا شەشىم قابىلداندى.

 

الماتى

 

سوڭعى جاڭالىقتار

پرەزيدەنت الماتى اكىمىن قابىلدادى

پرەزيدەنت • بۇگىن، 14:07

وتكەن تاۋلىكتە 187 ادام ىندەت جۇقتىردى

كوروناۆيرۋس • بۇگىن، 10:40

ۇقساس جاڭالىقتار