قازاقستان • 28 شىلدە، 2021

پەداگوگتارىمىز الەمدىك سىيلىقتارعا لايىق – ە. ءماجيتوۆ

54 رەت كورسەتىلدى

قازاقستاندىق پەداگوگتاردان «قازاقستان مۇعالىمى» ۇلتتىق سىيلىعىنا قۇجاتتار قابىلداۋدىڭ جابىلۋىنا ەكى اپتادان استام ۋاقىت قالدى. جوبانى وتكىزۋ تاريحى جايلى «قوعامدىق ماڭىزى بار باستامالاردى دامىتۋ قورى» جق توراعاسى ەرمەك ماجيتوۆ ورتالىق كوممۋنيكاتسيالار قىزمەتىندە وتكەن بريفينگتە باياندادى، دەپ حابارلايدى Egemen.kz.

ء«بىزدىڭ ۇستازدارىمىز الەمدىك سىيلىقتارعا، الەمدىك دەڭگەيدە تانىلۋعا لايىقتى دەپ سانايمىز. «قازاقستان مۇعالىمى» ۇلتتىق سىيلىعى ءۇشىنشى ماۋسىم بويى وتكىزىلىپ وتىر. مۇعالىمدەردەن وتىنىمدەردى قابىلداۋ ءساۋىر ايىنان 15 تامىزعا دەيىن جالعاسادى. ءاربىر مۇعالىم وسى جوباعا ءوز بەتىنشە قاتىسا الادى، ءوز وتىنىمدەرىن مەكتەپ اكىمشىلىگىنىڭ شەشىمىنسىز نەمەسە قاتىسۋىنسىز، ءبولىم نەمەسە ءبىلىم باسقارماسى نەمەسە ءبىلىم مينيسترلىگى تاراپىنان بەرىلگەن ۇسىنىمدارسىز بەرە الادى

تاۋەلسىز سۋديالار اكادەمياسىنىڭ كومەگىمەن توپ-50 مۇعالىم ىرىكتەلىپ الىنادى، سودان كەيىن 10 فيناليست انىقتالادى، ولار 24 قىركۇيەكتە الماتى قالاسىندا وتەتىن سىيلىقپەن ماراپاتتاۋ راسىمىنە شاقىرىلادى. جەڭىمپازدار مەن 10 فيناليست «الەم مۇعالىمى 2022» جاھاندىق سىيلىعىنىڭ نومينانتتارى اتانادى»، دەدى سپيكەر. 

سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • 24 قىركۇيەك، 2021

قىتاي مەن قازاقستان جۇك تاسىمالى ارتقان

ەكونوميكا • 24 قىركۇيەك، 2021

ۇقساس جاڭالىقتار