ايماقتار • 28 شىلدە، 2021

قوستاناي وبلىسىندا سىبايلاس جەمقورلىق دەڭگەيى تومەندەگەن

51 رەت كورسەتىلدى

قوستاناي وبلىسىنىڭ سىبايلاس جەمقورلىققا قارسى ءىس-قيمىل دەپارتامەنتى جارتى جىل ىشىندە 42 قىلمىستىڭ بەتىن اشقان. ونىڭ 39-ى سىبايلاس جەمقورلىققا قاتىسى بار قىلمىسقا جاتادى. بۇل جونىندە اتالمىش دەپارتامەنتتىڭ باسشىسى قۋانىش بەكباسوۆ «Antikor.LIVE» جوباسى اياسىنداعى تىكەلەي ەفير بارىسىندا ايتتى.

«ايماقتا سىبايلاس جەمقورلىققا قاتىستى قىلمىس تۇرلەرى جىلدان جىلعا ازايىپ كەلەدى. مىسالى، 2020 جىلعى العاشقى جارتىجىلدىق ىشىندە 86 قىلمىس انىقتالعان. ونىڭ 73-ءى سىبايلاس جەمقورلىققا جاتادى. بيىلعى كورسەتكىش بۇدان ەكى ەسە تومەن.  جىل باسىنان بەرى وبلىستا 22 ادام قىلمىستىق جاۋاپكەرشىلىككە تارتىلدى. ونىڭ ىشىندە ءتۇرلى دەڭگەيدەگى 7 باسشى بار. وتكەن جىلى  5 باسشى جاۋاپكەرشىلىككە تارتىلعان بولاتىن. سونىمەن بىرگە بيىل مەملەكەتكە كەلتىرىلگەن زالالدى وتەۋ كولەمىنىڭ ەكى ەسە ۇلعايعانىن ايتا كەتكەن ءجون. ماسەلەن، مەملەكەت پايداسىنا بىلتىر 330 ملن تەڭگە ء وندىرىلىپ الىنسا، بيىل بۇل كورسەتكىش 706 ملن تەڭگەگە جەتتى»، دەدى ق.بەكباسوۆ.

دەپارتامەنت باسشىسى وڭىردەگى سىبايلاس جەمقورلىق دەڭگەيىنىڭ ازايۋىن ءار سالادا ءتيىمدى جۇرگىزىلىپ جاتقان قىلمىستىڭ الدىن الۋ شارالارىنىڭ ناتيجەسى دەپ ءتۇسىندىردى.

 

 

قوستاناي وبلىسى

سوڭعى جاڭالىقتار

ۇقساس جاڭالىقتار