ەلوردا • 28 شىلدە، 2021

بيىل ەلوردادا 42 مىڭ توننادان استام قوقىس كادەگە جاراتىلدى

21 رەت كورسەتىلدى

نۇر-سۇلتاندا رۇقسات ەتىلمەگەن پوليگونداردىڭ ۇشتەن ءبىرى ازايدى. بۇل تۋرالى قالا اكىمدىگىنىڭ رەسمي سايتى حابارلادى، دەپ جازادى Egemen.kz.

ەلوردالىق قورشاعان ورتانى قورعاۋ جانە تابيعاتتى پايدالانۋ باسقارماسىنىڭ مالىمەتىنشە، جۋىردا اقمولا وبلىسىنىڭ اينالما جولى اۋماعىندا، سونداي-اق بايقوڭىر اۋدانىندا ۆەدومستۆو ينسپەكتورلارى اپاتتى قوقىس ۇيىندىلەرى بويىنشا رەيدتىك ءىس-شارالار وتكىزدى. رەيد بارىسىندا پوليگوندار جويىلدى.

وتكەن جىلمەن سالىستىرعاندا رۇقسات ەتىلمەگەن قوقىس تاستايتىن ورىندار سانى اكىمدىك تاراپىنان كۇشەيتىلگەن باقىلاۋدىڭ ناتيجەسىندە 533-تەن 385-كە دەيىن، ياعني ۇشتەن ءبىرى ازايعان.

ەستەرىڭىزگە سالا كەتەيىك، رۇقسات ەتىلمەگەن قوقىس ورىندارى جىل سايىن «قازاقستان عارىش ساپارى» اق گەوپورتالىنىڭ عارىشتىق مونيتورينگى ارقىلى تابىلىپ، جويىلادى.

بيىل 42 مىڭ توننادان استام قوقىس كادەگە جاراتىلىپ، 100-دەن استام رۇقسات ەتىلمەگەن قوقىس ءۇيىندىسى جويىلدى.

سوڭعى جاڭالىقتار

ۇقساس جاڭالىقتار