ايماقتار • 28 شىلدە، 2021

«ەگەمەن» نازارىنداعى نىسان - كۇرشىمدە كوپىر قۇرىلىسى قارقىندى

55 رەت كورسەتىلدى

 «ەلۋ جىلدا – ەل جاڭا» دەگەندەي ءدال 50 جىل وتكەننەن كەيىن كۇرشىمدىكتەرگە جاعانىڭ ار جاعىنا كوپىر ۇستىمەن قاتىناۋ باقىتى بۇيىرايىن دەپ تۇر. «ايتا ايتا التايدى، جامال اپاي قارتايدى» دەپ باستاپ، «ەگەمەن قازاقستان» گازەتىنىڭ سول كەزدەگى شىعىستاعى مەنشىكتى ءتىلشىسى ازامات قاسىمنىڭ ماقالاسىنان كەيىن جارتى عاسىر قاتىپ قالعان «سەڭ» قوزعالعان ەدى.

ءدال وسى ماقالادان كەيىن پرەزيدەنتىمىز قاسىمجومارت توقاەۆ: «ۇكىمەتكە شقو اكىمدىگىمەن بىرگە بۇقتىرما سۋ قويماسىنا كوپىر سالۋ ءۇشىن قارجى ءبولۋ ماسەلەسىن قاراستىرۋدى تاپسىرامىن»، دەپ ارنايى تاپسىرما بەرگەن بولاتىن.

مىنە سودان بەرى كوڭىلى دارحان، پەيىلى كەڭ، «سابىر ءتۇبى – سارى التىن دەپ» جىلدار بويى ءتوزىم مەن شىدامدىلىقتىڭ نىشانىنا اينالعان كۇرشىم حالقىنىڭ قۋانىشىندا شەك جوق. پرەزيدەنتىمىزدىڭ تاپسىرماسىنان كەيىن كوپ ۇزاماي كوپىر قۇرىلىسىنىڭ جۇمىستارى باستالىپ تا كەتتى. ماۋسىم ايىندا شىعىس قازاقستان وبلىسىنىڭ اكىمى دانيال احمەتوۆ قۇرىلىسى باستالعان بۇقتىرماداعى كوپىردىڭ كاپسۋلاسىن سالۋ سالتاناتتى ءراسىمىن وتكىزدى. ءدال قازىرگى كەزدە كوپىر قۇرىلىسىنا دايىندىق جۇمىستارى قارقىندى جۇرگىزىلىپ جاتىر.  

«وبلشىعىسجول» جشس-ءنىڭ كوپىر قۇرىلىسى بويىنشا ورىنباسارى نىعماتۋللا ابدۋلحاكوۆتىڭ ايتۋى بويىنشا، كوپىر قۇرىلىسىنا تارتىلعان جۇمىسشىلار ءۇشىن 125 ورىندىق جاتاقحانا تولىعىمەن دايىن. ەكىنشى 125 ورىندىق جاتاقحانانىڭ ىشىندە قۇرىلىس جۇمىستارى جۇرگىزىلىپ جاتىر.  ءبىر مەزەتتە 120 ادامعا ارنالعان اسحانا جۇمىس جاساپ تۇر. جۇمىسشىلارعا ارنالعان مونشا دا دايىن. سونىمەن قاتار تەلەفون، ينتەرنەت جەلىسىن ورناتۋ جۇمىستارى جۇرگىزىلۋدە. كولىكتەرگە ارنالعان اۆتوتۇراك سالىنادى.

بۇگىنگى كۇنگە قوسىمشا  400 توننا (ديامەترى 1200) جانە120 توننا تۇربا (ديامەترى 1380)، ۋاقىتشا كوپىر قۇرىلىسىنا ارنالعان 800 توننا بالكا، 350 توننا تسەمەنت، 52 دانا تەمىر بەتوندى پليتالار جەتكىزىلدى. وسى جۇمىستارمەن قاتار، نەگىزگى جولدىڭ قۇرىلىسى جۇرگىزىلۋدە. تامىز ايىنىڭ ورتاسىنا دەيىن اسفالتتاۋ جۇمىستارى اياقتالاتىن بولادى.

قۇرىلىس باسىندا ءبىر تسەمەنت زاۋىتى بار. قوسىمشا تاعى ءبىر تسەمەنت زاۋىتىن سالۋ ءۇشىن الماتى قالاسىنان قۇرال-جابدىقتار شىلدە ايىنىڭ سوڭىنا دەيىن كەلەدى دەپ  كۇتىلۋدە.

قازىرگى كەزدە قۇرىلىسقا قاجەتتى 61 ءارتۇرلى مامان يەلەرى  جۇمىس ىستەۋدە. جۇمىسكەرلەر نەگىزىنەن جەرگىلىكتى تۇرعىندار. كوپىردىڭ نەگىزگى  قۇرىلىسى باستالعان ۋاقىتتا قوسىمشا ماماندىقتارمەن (بىلىكتى دانەكەرلەۋشىلەر، ارماتۋرششيكتەر، اعاش ۇستالارى-بەتونشىلار ت.ب.) جۇمىسكەرلەر الىناتىن بولادى.

- جالپى كوپىر قۇرىلىسىن سالۋ بويىنشا جۇمىستار  جوسپارعا ساي اتقارىلۋدا، - دەيدى نىعماتۋللا ابدۋللا ۇلى.

 

رۇستەم اسقار ۇلى

سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • بۇگىن، 22:48

ۇقساس جاڭالىقتار