وبلىستىق اۋىل شارۋاشىلىعى باسقارماسىنىڭ مالىمەتى بويىنشا, وڭىردە مەملەكەتتىك ورمان قورىنىڭ اۋماعىندا شارۋاشىلىقتار مەن تۇرعىندار شابىندىققا 15,2 مىڭ گەكتار جەردى, جايىلىم ءۇشىن 899,9 مىڭ گەكتار جەردى پايدالانۋدا. ەرەكشە قورعالاتىن تابيعي اۋماقتاردان 164 گەكتار شابىندىق, 59 مىڭ گەكتار جايىلىم رەتىندە بولىنگەن.
رەسمي دەرەككە سۇيەنسەك, بۇگىنگى كۇنى 1810 مىڭ توننا ءشوپ دايىندالدى, بۇل جوسپاردىڭ 64,2%, 285,4 مىڭ توننا پىشەندەمە, 124,9 مىڭ توننا سابان, 55,7 مىڭ توننا مال جەمى دايىندالدى.
تابيعي شابىندىقتىڭ ورتاشا ونىمدىلىگى ءار گەكتارىنان 15-25 تسەنتنەردەن اينالادى, ال جوڭىشقا مەن كوپ جىلدىق شوپتەر 35-40 تس/گا ءونىم بەرىپ وتىر.
اۋىسپالى جەر قورىنا تۇگەندەۋ جاسالىپ, وتكەن جىلدان اقسۋ, الاكول, ەسكەلدى, جامبىل, ۇيعىر اۋداندارىندا 30,2 مىڭ توننا مال ازىعى بار ەكەنى انىقتالدى.
سونىمەن قاتار وبلىستا جيىن-تەرىن مەن ءشوپ دايىنداۋ جۇمىستارىنا 13,8 مىڭ توننا ديزەل وتىنى بولىنگەن, سونىڭ ىشىندە 1,8 مىڭ تونناسى ءشوپ شابۋعا قاراستىرىلعان. سونداي-اق ءشوپ دايىنداۋ ناۋقانى ءۇشىن جانار-جاعارمايعا ءتيىستى ۆەدومستۆوعا قوسىمشا تاپسىرىس بەرىلگەن.
