ونەر • 27 شىلدە، 2021

كوز تارتار كوركەم الەم

34 رەت كورسەتىلدى

ەلەنا بەيسەمبينوۆا – اي­گىلى قازاقستاندىق گرافيك، كەسكىندەمەشى، 1960 جىلدارداعى سۋرەتشىلەر بۋىنىنىڭ كورنەكتى وكىلى. ول ءوزىنىڭ شىعارماشىلىق جولىن گوبەلەن، مۋلتيپليكاتسيا، كىتاپ يلليۋستراتسياسى، تۇپنۇسقا جانە باسپا گرافيكاسىنىڭ سۋرەت­شىسى رەتىندە باس­تادى. 1985 جىلى كەسكىندەمەگە بەت بۇرىپ، جۇزدەن استام كوركەم تۋىن­دى جازدى.تابيعاتقا دەگەن ادالدىعىنان تانباعان تالانت يەسى تازالىقتى سۇيەدى.

ەلەنا سەرگەەۆنانىڭ كور­كەمدىك دۇنيەتانىمىنىڭ ەرەك­شەلىكتەرىن ونىڭ قول­تاڭ­باسىنان انىق اڭعارۋعا بولادى. سۋرەتشىنىڭ جان دۇ­نيەسىندە الەم تۋرالى جانە ءوزىنىڭ سەزىمدەرى جايلى ءار ءتۇرلى تىلدەردە سويلەي الاتىن اقىن ءومىر سۇرەدى دەرسىز. تۋىندىگەردىڭ ءا.قاستەەۆ اتىنداعى ونەر مۋزەيىندە اشىل­عان «كوز تارتار شىنايى الەم» كورمەسى تىرشىلىك بوياۋلارى مەن ادام كو­ڭى­لىنىڭ ىشكى ىرعاقتارىن شى­نايى جەتكىزە بىلگەن. ونىڭ ءومىرى ونەر­دەن ءورىس تاۋىپ، قورشاعان الەمنىڭ سۇلۋ­­لىعىنا ءتاجىم ەتۋمەن قانىق­قان.

– سۋرەتشى شەكسىز تاڭدانۋ مەن تابيعات كورىنىستەرىنىڭ بايلىعىنا ءسۇيسىنۋ دارىنىنا يە. ونىڭ قىلقالامى بۇ­كىل تىرشىلىك بولشەكتەرى مەن ماڭگىلىكتى، ءتىپتى ءبىر ساتتىك بوياۋلاردىڭ ءوزىن ۇس­تاپ الۋعا جانە جازىپ الۋ­عا ىقىلاستى. سۋرەتشى ءۇشىن بار­لىق ناقتىلىق قاي­تا­لانباس سۇيكىمدىلىكتە جاتىر. بەي­سەمبينوۆا الما، ورىك بۇ­تاعىن نەمەسە سالدەگۇل سۇلۋلىعىن كور­سەتۋ ارقىلى، ءوزىنىڭ جارىق الەمگە دەگەن سۇيىسپەنشىلىگىن اڭعارتادى. ول نە جازسا دا جا­نىمەن جازاتىن شەبەر. كور­مەگە مۋزەي قورىنان جانە اۆتوردىڭ جيناعىنان الىنعان 90-نان استام تۋىن­دى قويىلدى، – دەيدى كورمە جەتەكشىسى كۇلجازيرا مۇقا­جانوۆا.

ەلەنا بەيسەمبينوۆا سا­راتوۆ قالاسىندا دۇنيەگە كەلگەن. ماسكەۋدىڭ جوعارى كور­­كەمدىك-ونەركاسىپتىك ۋچي­ليششەسىن (بۇ­رىنعى ستروگا­نوۆ­سكوە) بىتىرگەن.

وقۋدى بىتىرگەننەن كەيىن، جۇبايى ارسەن بەي­سەم­بي­نوۆپەن بىرگە الماتىعا كەلدى. سول كەزدەن باستاپ ونىڭ ءومى­رى مەن شىعارماشىلىعى قا­­زاقستانمەن، دالىرەك ايت­ساق، الماتىمەن تىعىز باي­­لانىستا. ەسكە سالساق، ەلە­نا بەيسەم­بينوۆا ايگىلى كەڭەستىك سۋرەتشى تاتيانا ياب­لون­سكايانىڭ قىزى. ياب­لونسكايانى زامانىندا تۇتاس تمد-عا تانىمال ەتىپ، ءتۇرلى جۋرنالداردىڭ مۇقاباسىنا جاپپاي جاريالانعان «تاڭ­ەر­­­­­­تەڭ» دەپ اتالاتىن كار­تي­نانىڭ باستى كەيىپكەرى دە قىزى ەلەنا. اتالعان تۋىندى تۋرالى گازەتىمىزدىڭ 2018 جىلدىڭ 18 ماۋ­سىمىنداعى سانىندا «تاڭ شاپا­عىنا شومىلعان تانىس قىز» اتتى ماقا­لامىزدا كەڭىرەك جازعان بولاتىنبىز.

 

الماتى

 

سوڭعى جاڭالىقتار

ەڭبەكپەن ەسەيگەن ەر

قازاقستان • كەشە

بەيتانىس ساعىنىش

الەم • كەشە

جالعىزدىق ارالى

كينو • كەشە

ەلوردادا قار جاۋادى

قازاقستان • كەشە

بۇگىن ماشينا جاساۋ كۇنى

قازاقستان • كەشە

سقو-دا جۇك كولىگى جىلۋ قۇبىرىنا سوعىلدى

ايماقتار • 25 قىركۇيەك، 2021

ۇقساس جاڭالىقتار