ساياسات • 27 شىلدە، 2021

سايلاۋ زاڭعا سايكەس جانە اشىق ءوتتى

26 رەت كورسەتىلدى

اۋىل اكىمدەرىن تىكەلەي سايلاۋدى بايقاۋ پروتسەسىن قامتا­ماسىز ەتۋ ماقساتىندا قۇرىلعان «پارتيالىق ەمەس بايقاۋ ورتالىعى» رەسپۋبليكالىق قوعامدىق بىرلەستىگى 25 شىلدەدە وڭىرلەردە وتكەن ماڭىزدى ساياسي ءىس-شاراعا باعا بەردى.

ورتالىق قىزمەتىنىڭ نەگىزگى باعىتى – سايلاۋعا، ونىڭ ىشىندە سايلاۋ ۋچاسكەلەرىندە باقىلاۋ مەن مونيتورينگ جۇرگىزۋ ارقىلى سايلاۋ پروتسەسىنە جۇيەلى تۇردە قاتىسۋ. ورتالىقتىڭ فيليالدارى ەلىمىزدىڭ بارلىق وڭىرىندە ورنالاسقان. پارتيالىق ەمەس بايقاۋ ورتالىعىنىڭ توراعاسى تولەگەن كۇنادىلوۆ بۇقارالىق اقپارات قۇرالدارى ءۇشىن بريفينگ وتكىزىپ، وڭىرلەردەگى سايلاۋ ۇدەرىسىن باقىلاۋ ناتيجەسى جايلى بايانداپ بەردى.

سايلاۋدى «پارتيالىق ەمەس بايقاۋ ورتالىعى» اۋداندىق ماڭىزى بار قالالاردىڭ، اۋىل­دار­دىڭ، كەنتتەردىڭ، اۋىلدىق وكرۋگ­تەردىڭ اكىمدەرىن سايلاۋدى بايقاۋعا بەلسەندى قاتىستى. داۋىس بەرۋ كۇنى تاڭعى ساعات 7.00-دەن باستاپ ورتالىقتىڭ 2000-نان استام بايقاۋشىسى رەسپۋب­ليكانىڭ بارلىق وبلىسىنداعى ەڭ شالعاي سايلاۋ ۋچاسكەلەرىن قوسا العاندا، 1845 سايلاۋ ۋچاسكەسىندە داۋىس بەرۋدى باقىلاۋعا قاتىستى. وڭىرلەردەگى سايلاۋدى باقىلاۋ بويىنشا پارتيالىق ەمەس بايقاۋ ورتالىعىنىڭ جۇمىسىنا سەرىكتەس ۇكىمەتتىك ەمەس ۇيىمنىڭ 95 وكىلى تارتىلدى. ورتالىق جانىندا احۋالدىق ورتالىق جۇمىس ىستەدى، وندا وڭىرلەردەن كەلىپ تۇسكەن دەرەكتەر وڭدەلىپ، تالداندى. وڭىر­لىك بايقاۋشىلار شتابتارىمەن جەدەل بايلانىس ورناتىپ، 14 وبلىستا فيليالداردىڭ باسشىلارى جۇمىستى ۇيلەستىرىپ وتىردى»، دەدى تولەگەن كۇنادىلوۆ.

بارلىق بايقاۋشى سايلاۋ ۋچاسكەلەرىنە قولدانىستاعى سايلاۋ زاڭناماسىنا، سونداي-اق سانيتارلىق-ەپيدەميولوگيالىق نورمالاردىڭ تالاپتارى­نا ساي­كەس جىبەرىلگەنى ايتىلدى. باي­قاۋشىلار ەلەكتوراتتىڭ بەل­سەندىلىگىن اتاپ وتكەن. سونداي-اق سايلاۋ كوميسسيالارىنىڭ جۇ­مى­سىنا شاعىم مەن تەرىس پىكىر تۇسپەگەن، سايلاۋ ۋچاسكەلەرىندە زاڭ بۇزۋشىلىق تىركەلمەگەن.

«بايقاۋشىلارىمىز انىق­تاعان زاڭ بۇزۋعا تىرىسۋ­شى­لىق ارەكەتتەردىڭ باسىم بولىگى تەحنيكالىق سيپاتتا بولعانىن جانە جەرگىلىكتى جەرلەردەگى سايلاۋ كوميسسيالارىنىڭ مۇشە­لەرى بۇل ماسەلەلەردى تيىسىنشە شەشىپ وتىرعانىن اتاپ وتكەن ءجون. بايقالعان زاڭ بۇزۋعا تى­رىسۋشىلىق ارەكەتتەرىنىڭ ىشىندە جەكەلەگەن ازاماتتاردىڭ ءوز وتباسى مۇشەلەرى ءۇشىن داۋىس بەرۋگە تىرىسقانى، دا­ۋىس بەرۋ كابيناسىنا ەكى ادامنان كىرۋ، كەيبىر ازاماتتار­دىڭ كۋالاندىراتىن قۇ­جاتسىز بيۋللەتەن الۋعا نيەت ءبىلدىرۋى، الەۋمەتتىك قاشىق­­تى ساق­تا­ماۋ­­دىڭ جەكەلەگەن فاكتى­لەرى كەزدەستى. ءبىزدىڭ باي­قاۋ­شى­لار وسىنداي 12 زاڭ بۇزۋ­عا تى­رى­سۋشىلىق ارەكەتتەردى تىر­­كەدى. جالپى، ولارعا جەرگى­لىك­تى جەرلەردەگى سايلاۋ كوميس­سيا­­لارىنىڭ مۇشەلەرى دەر كەزىندە دەن قويىپ، تيىسىنشە شارا قولدانعاندىقتان، سايلاۋ پروتسەسىنىڭ زاڭدىلىعى مەن اشىقتىعىنا ەشقانداي اسەر ەتپەدى»، دەدى پارتيالىق ەمەس باي­قاۋ ورتالىعىنىڭ باسشىسى.

بايقاۋشىلار سايلاۋ ۋچاس­كەلەرىندە سايلاۋ پروتسەسىنىڭ سوڭىنا دەيىن بولىپ، داۋىستار­دى ساناۋعا قاتىستى دا شاعىم تۇسپەگەنىن مالىمدەگەن. ولار داۋىستى ساناۋ ءراسىمىنىڭ جاريا­لىلىعى مەن اشىقتىعىن اتاپ وتكەن. وسى جايلاردى بايانداعان پارتيالىق ەمەس بايقاۋ ورتا­لىعى­نىڭ توراعاسى تولەگەن كۇنادىلوۆ بايقاۋشىلاردىڭ ەتيكا كودەكسىن ازىرلەۋدى ۇسىندى.

«پارتيالىق ەمەس بايقاۋ ورتالىعى الداعى ۋاقىتتا باي­قاۋشىلاردىڭ ەتيكا كودەكسىن ازىرلەۋدى ۇسىنادى. وتكەن ساي­لاۋ بايقاۋشىلاردىڭ بار­لىعى بىردەي ءوز ميسسياسىن ادال اتقارمايتىنىن كور­سەت­تى. بايقاۋدىڭ نەگىزگى ماق­سا­تى – زاڭنامانىڭ  ساق­تا­لۋىن قامتاماسىز ەتۋ ەكەنى­نە قا­راماستان، كەيبىر بايقاۋ­شى­لاردىڭ وزدەرى كەيدە وسى تالاپتاردى بۇزىپ جاتادى. بۇل ولار­دىڭ مىنەز-قۇلقىمەن، سون­داي-اق سايلاۋ زاڭناماسىن دۇرىس بىلمەۋىمەن نەمەسە تاجىري­بە­لەرى­نىڭ جوقتىعىمەن بايلانىس­تى.

بىراق سايلاۋ پروتسەسىنىڭ بە­دەلىن ءتۇسىرۋ ءۇشىن ادەيى اران­داتۋشىلىق ارەكەتتەر جاسايتىندار دا بار. سوندىقتان بايقاۋ ينستيتۋتىن كاسىبيلەندىرۋدىڭ جانە جالپى بايقاۋ پروتسەسىنىڭ بارلىق قاتىسۋشىلارى ساقتاۋى كەرەك بىرىڭعاي نورمالاردى ازىرلەيتىن ۋاقىت كەلدى. ءبىز باي­قاۋشىلاردىڭ كاسىبي پۋلىن دايار­لاۋ ءۇشىن جۇيەلى جانە جوس­پارلى تۇردە جۇمىس ىستەيتىن بولامىز»، دەدى ت. كۇنادىلوۆ.

 

سوڭعى جاڭالىقتار

ەڭبەكپەن ەسەيگەن ەر

قازاقستان • كەشە

بەيتانىس ساعىنىش

الەم • كەشە

جالعىزدىق ارالى

كينو • كەشە

ەلوردادا قار جاۋادى

قازاقستان • كەشە

بۇگىن ماشينا جاساۋ كۇنى

قازاقستان • كەشە

سقو-دا جۇك كولىگى جىلۋ قۇبىرىنا سوعىلدى

ايماقتار • 25 قىركۇيەك، 2021

ۇقساس جاڭالىقتار