نۇر وتان پارتياسىنان سۇلتانبەك قاسىموۆ, اۋىل پارتياسىنان ورازالى كالىباەۆ, ءوزىن ءوزى ۇسىنعان قۇرمانبەك رىسماحانوۆ. سايلاۋ الدى ۇگىت-ناسيحات ناۋقانىندا جوعارىدا اتى اتالعان ازاماتتارعا باعدارلامالارىن تانىستىرۋعا بىردەي جاعداي جاسالعان.
تاۋەلسىز باقىلاۋشى ارىستانباي مىرزاحمەتوۆ بىزبەن اڭگىمەسىندە كۇندىزگى ساعات 14. 00-گە دەيىن سايلاۋشىلاردىڭ 63.2 پايىزى داۋىس بەرگەنىن, سايلاۋ زاڭىڭا كەرەعار جاعداي تىركەلمەگەنىن, سايلاۋدىڭ ءادىل ءوتىپ جاتقانىن ايتتى.
وسى وكرۋگتىڭ № 1 بولىمشەسىنىڭ تۇرعىنى, ەڭبەك جانە تىل ارداگەرى, 101 جاستاعى كوپ بالالى انا ءزاميرا سمايلوۆا بۇل سايلاۋدىڭ ەرەكشە سايلاۋ ەكەنىن تىلگە تيەك ەتىپ ءوتتى. زاميرا اپانىڭ ۇيىنە كەلگەن جىلجىمالى سايلاۋ كوميسسياسى ونىڭ ساياسي ناۋقاننان تىس قالماۋى ءۇشىن بارلىق مۇمكىندىكتى جاساپتى. 10 بالاسىنان 100-دەن استام نەمەرە, شوبەرە, شوپشەك كورىپ وتىرعان اۋىلدىڭ ابىز اناسى بۇل جولى حالىقتىڭ قالاۋىنا باسىمدىق بەرىلەتىنىن, بۇل سايلاۋدىڭ دا ەرەكشەلىگى وسى ەكەنىن ايتتى.
«سايلاۋعا ءتۇسىپ جاتقان بالالار كوز الدىمدا ءوستى. ولاردى ءبىر-بىرىنەن بولگىم كەلمەسە دە ءوز قالاۋىمدى جاسادىم. بۇل سايلاۋ زاڭى وسى. تىرشىلىك سايلاۋمەن بىتپەيدى. ازاماتتار سايلاۋدان كەيىن دە ءبىر-بىرىمەن سەپتەسىپ, اۋىلدىڭ جاعدايىن جاقسارتۋ ءۇشىن تىزە قوسىپ, تىرلىك جاسايدى دەپ ۇمىتتەنەمىن», دەيدى زاميرا سمايلوۆا.
