اۋەلدە, ساياسي دودادا باق سىناۋشىلاردىڭ سانى 279 بولسا, قازىرگى تاڭدا 235-ءتى قۇراپ وتىر. 44 ۇمىتكەر ءتۇرلى سەبەپتەرمەن كانديداتتار قاتارىنان الىنىپ قالدى. سايلاۋعا تۇسىشىلەردىڭ 82-ءى ساياسي پارتيا وكىلدەرى بولسا, 153 ادام ءوزىن-ءوزى ۇسىنۋشىلار بولىپ تابىلادى.
«بۇعان دەيىن ىلە اۋدانى, چاپاەۆ اۋىلىندا 9 كانديدات تىركەلدى دەپ ايتىلعان بولاتىن. بۇگىندە رەسمي دەرەكتەر, اتالعان وڭىردە 5 سايلاۋعا ءتۇسۋشى ۇمىتكەر قالعانىن راستاۋدا. اكىمدىككە ۇمىتكەرلەر ەڭ كوپ تىركەلگەن ايماق رەتىندە تالعار اۋدانى تانىلىپ وتىر. مۇندا ءبىر ورىنعا 6 ادامنان اينالۋدا», دەيدى الماتى وبلىسى سايلاۋ كوميسسياسىنىڭ مۇشەسى قاھارمان جاقسىلىق.
ايتا كەتسەك, نۇر-سۇلتان ۋاقىتىمەن تاڭعى ساعات 7:00-دەن باستاپ وبلىستاعى بارلىق سايلاۋ ۋچاسكەلەرى ءوز جۇمىسىن باستادى. تاريحي ساتتە ءوڭىردىڭ 220 مىڭنان استام تۇرعىنى داۋىس بەرۋگە قاتىسادى دەپ كۇتىلۋدە.
