سپورت • 25 شىلدە، 2021

شاحماتتان الەم كۋبوگىنىڭ شيرەك فينالى باستالدى

36 رەت كورسەتىلدى

بۇل كۇندەرى رەسەيدىڭ سوچي قالاسىندا شاحماتتان ەرلەر مەن ايەلدەر اراسىندا ءوتىپ جاتقان الەم كۋبوگى جولىنداعى جارىستىڭ كەشە بەسىنشى اينالىمى باستالدى، دەپ حابارلايدى Egemen.kz.

وسىعان دەيىن امەريكالىق دجەننيفەر يۋ، ارمەنيالىق ەلەنا دانيەليان جانە رەسەيلىك الينا كاشلينسكايانىڭ جولىنان ىعىستىرعان دينارا سادۋاقاسوۆا شيرەك فينالدا الەكساندرا گورياچكينامەن شەبەرلىك بايقاسۋدا.

22 جاستاعى ورىنبور ءوڭىرىنىڭ تۋماسى كەزىندە ءتۇرلى جاس ەرەكشەلىكتەرى بويىنشا وتكەن الەم بىرىنشىلىكتەرىندە باس جۇلدەنى ولجالادى. باسقا دا كوپتەگەن اسا ءىرى حالىقارالىق جارىستاردا وراسان زور تابىستارعا قول جەتكىزدى. 2019 جىلى قازاندا ۇيىمداستىرىلعان ۇمىتكەرلەر تۋرنيرىندە الدىنا جان سالماعان الەكساندرا الەم چەمپيونى اتاعى ءۇشىن تالاسۋ مۇمكىندىگىنە يە بولدى. قىتايدىڭ ماقتانىشى تسزيۋي ۆەنتسزيۋنگە قارسى باسەكەدە كەرەمەت ويىن ورەگىن كورسەتكەن رەسەيلىك شاحماتشى كەزدەسۋدى تاي-برەيككە دەيىن جەتكىزدى. الايدا شەشۋشى تۇستا اسپاناستى ەلىنەن كەلگەن ارۋدىڭ باعى جاندى. قازىرگى كەزدە گورياچكينا الەمدىك رەيتينگتە ەكىنشى ساتىعا جايعاسسا، سادۋاقاسوۆا 18 ورىندى يەلەنۋدە.

وزگە شيرەك فينالدىق سايىستار نانا دزاگنيدزە (گرۋزيا) مەن اننا مۋزىچۋك (ۋكراينا)، الەكساندرا كوستەنيۋك (رەسەي) پەن ۆالەنتينا گۋنينا (رەسەي) جانە تان چجۋني (قىتاي) مەن ەكاتەرينا لاگنو (رەسەي) سىندى ويىنشىلار اراسىندا وتۋدە.    

سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • بۇگىن، 22:48

ۇقساس جاڭالىقتار