24 شىلدەگە قاراعان ءتۇنى ەلدىڭ 19 اۋدانىندا ەڭ تومەنگى تەمپەراتۋرانىڭ تاريحي كورسەتكىشى تىركەلدى. كيمبەرلي قالاسى مەن وعان جاقىن اۋدانداردا تەرمومەترلەر مينۋس 9,9 گرادۋسقا دەيىن تومەندەدى. سينوپتيكتەردىڭ مالىمەتىنشە, مەتەورولوگيالىق باقىلاۋلاردىڭ بۇكىل كەزەڭىندە مۇنداي تومەن تەمپەراتۋرا ءالى بولعان جوق.
يوحاننەسبۋرگتە اۋا تەمپەراتۋراسى مينۋس 7 گرادۋسقا دەيىن تومەندەدى. ايازدىڭ الدىڭعى رەكوردى 1995 جىلدىڭ 19 شىلدەسىندە, مينۋس 6,3 گرادۋسقا دەيىن سالقىنداعان كەزدە تىركەلدى.
سينوپتيكتەردىڭ ايتۋىنشا, كوپتەگەن جىلدار بويى وڭتۇستىك افريكانىڭ ءارتۇرلى بولىكتەرىندە العاش رەت قار جاۋىپ, كولىك جولدارى مۇزدانۋعا بايلانىستى جابىلدى.
قازىرگى اياز افريكانىڭ وڭتۇستىگىنە انتاركتيكادان كەلدى دەگەن بولجام بار. ەلدەگى اياز تاعى ءبىر اپتاعا سوزىلادى دەپ كۇتىلۋدە.
