سايلاۋ • 23 شىلدە، 2021

ايىرتاۋدىڭ ايى وڭىنان تۋادى

114 رەت كورسەتىلدى

قازىر «باياعىدا بولىس سايلاۋى دەگەن بولعان ەكەن. ەندى اكىم سايلاۋى بولاتىن بولدى...»، دەپ اڭگىمە-دۇكەندى قىزدىرىپ وتىر اۋىلدىقتار. ولار بىلتىر پرەزيدەنت قاسىم-جومارت توقاەۆ جولداۋىندا قازاقستان حالقىنىڭ 40 پايىزى اۋىلدىق جەردە تۇراتىنىن ايتا كەلە، وكرۋگ اكىمدەرىن حالىق سايلاۋى كەرەكتىگىن ايتقاندا ەلەڭ ەتە تۇسكەن. ەندى سول ءسوز شىندىققا اينالىپ، تاۋەلسىز ەل تاريحىندا تۇڭعىش رەت اۋىلدىق وكرۋگ اكىمدەرىن تۇرعىندار سايلايتىن كۇن دە كەلىپ قالدى.

سايلاۋ كۇنىنە دەيىن اكىم­دىككە ۇمىتكەر ازاماتتار اۋىل جۇرتىمەن جۇزدەسىپ، سايلاۋال­دى باعدارلامالارىمەن تانىستى­رىپ ءجۇر. جۋىردا ۇلان اۋدانى، ايىرتاۋ اۋىلدىق وكرۋگىندە «اۋىل» حالىقتىق-دەمو­كرا­تيالىق پاتريوتتىق پارتياسى اتىنان تۇس­كەن كانديدات دارحان تولەۋحانوۆ تۇرعىندارمەن كەزدەسۋ وتكىزدى.

ايىرتاۋ اۋىلى وسكەمەننىڭ ىرگەسىندە بولعانىمەن، قوردا­لانعان ماسەلەسى بارشىلىق. اتاپ ايتساق، جايىلىمدىق، شابىندىق جەرى تار. كوشەلەرى جوندەۋ كورمەگەن، جارىق تارتىلماعان. اۋىزسۋ ماسەلەسى جانە ايتىلىپ كەلەدى. «اۋىل» پار­تياسى اتىنان سايلاۋعا ءتۇسىپ وتىر­عان د.تولەۋحانوۆ ايىرتاۋدا تۋىپ-وسكەندىكتەن، اتالعان پروب­لەمالاردى بەس ساۋساعىنداي بى­لەدى. اۋىلدىڭ مادەنيەت ۇيىنە جي­نالعان ايىرتاۋلىقتار دا، سىرتتان كەلگەن باسشىدان گورى اۋىل ازاماتى تىزگىندى قولعا السا دەگەن تىلەكتەرىن ايتىپ جاتتى.

جاس ۇمىتكەر دارحان تولەۋ­حانوۆ جوعارى وقۋ ورىنىن تا­مام­داعان سوڭ تۋعان جەرىنە قاي­تىپ ورالعان. سودان بەرى اۋىلدا دزيۋدو مەن قازاقشا كۇرەستەن جات­تىقتىرۋشى. جاستاردى سالامات­تى ومىرگە باۋ­لىدى. سپورتتا ءوزىنىڭ جەتكەن جە­تىس­تىكتەرى دە از ەمەس. ودان بولەك، اۋدانداعى قوعامدىق جۇمىستارعا بەلسەندى قاتىسىپ جۇرەتىن. «جاس كەلسە ىسكە» دەۋشى ەدى عوي، ەندى حالىق قولداپ جاتسا، دارحان كادىر­ ۇلى تۋعان اۋىلى ءۇشىن قىزمەت ەتۋگە دايىن.

– اۋىلداعى اۋىزسۋ، كوشەلەر­دى جوندەۋ، جارىقتاندىرۋ سياق­تى ماسەلەلەردى جاقسى بىلەمىن. قازىردىڭ وزىندە ءتورت كوشەگە ورتاشا جوندەۋ جۇمىستارى جۇر­گىزىلىپ جاتىر. الداعى كۇندەرى اسفالتىن توسەيدى. ول ءۇشىن 120 ملن تەڭگە قارجى بولىنگەن. جون­دەۋ جۇمىس­تارى ءتورت كوشەمەن شەكتەلمەيدى، كەلەر جىلدارى دا جالعاسىن تابا بەرمەك. ايىرتاۋ مەن قاناي ارا­سىنداعى جول دا جاڭارتىلادى. سونى­مەن قاتار جايىلىم جانە شابىندىق جەرلەر جەتكىلىكسىز، – دەپ اۋىلداعى جاع­دايدى جاقسى بىلە­تىنىن اڭ­عارت­تى دارحان تولەۋ­حانوۆ. ولار­دى شەشۋ جولدارى  ساي­­لاۋال­دى باعدارلاماسىندا قاراس­تىرىلعان كورىنەدى.

– «اۋىل» پارتياسى اتىنان وبلىس بويىنشا وكرۋگ اكىمدىگىنە 18 ۇمىتكەر ۇسىنىلدى. ولاردىڭ ءبارى بەلگىلەنگەن تالاپتارعا ساي. سولار­دىڭ ءبىرى – ايىرتاۋ اۋىل­دىق وكرۋگىنىڭ اكىمى لاۋازىمىنا ۇمىتكەر دارحان كادىر ۇلى. ۇمىتكەر جالعىز ەمەس، ونىڭ ارتىندا پارتيا تۇر. وبلىستا ءبىزدىڭ پارتيادان 15 دەپۋتات بار. ونىڭ ۇشەۋى – وبلىستىق ءماسليحات­تىڭ دەپۋتاتتارى، – دەدى «اۋىل» پارتياسى وبلىستىق فيليالى باسشىسىنىڭ ورىنباسارى كامال ارىنحانوۆ.

ال اۋىل اقساقالى قادىلبەك ساعىنعانوۆتىڭ پىكىرىنشە، اۋىلدان شىققان ازامات تۋعان جەرى ءۇشىن جانىن بەرىپ، ەڭبەك ەتەدى. ءبىر جاعىنان ءوزىمىز سايلاعان سوڭ، قانداي ماسەلە بولسا دا توتەسىنەن ايتا الامىز دەسەدى حالىق.

– بۇرىن اۋىل اكىمىن دەپۋتاتتار سايلاعان. ەندى، مىنە، حالىق سايلايتىن بولدى. الايدا بيۋدجەتتەن قارجى بولىنبەسە، اۋىل اكىمى جۇمىس ىستەپ جارىتپايدى. ايتايىق دەگەنىمىز، حالىق قول­دا­عانىمەن، سايلانعان اكىمدى اۋدان اكىمدىگى دە قولداۋى كەرەك، – دەستى جۇرت ءبىراۋىزدان. 

كەزدەسۋدەن كەيىن كانديدات دارحان تولەۋحانوۆ پەن سەنىمدى وكىلدەرى اۋىلدى ارالاپ، جوندەلىپ جاتقان كوشەلەردى كوردى. بۇرىن-سوڭدى وعىر-شوعىر بولىپ جات­قان كوشەلەرگە اسفالت توسەۋ جۇ­مىستارى جۇرگىزىلىپ جاتىر. ەرسىلى-قارسىلى اعىلعان تەحنيكا. شارۋا قىزۋ. اۋىل ىشىندەگى كوپقاباتتى ەسكى ۇيلەر دە بۇزىلادى. ەل امان، جۇرت تىنىش بولسا، جامان ىندەت توقتاپ، ەكونوميكا كوتەرىلسە، اۋىل­دىقتار دا اۋىزبىرشىلىكتەن اجى­راماسا، از ۋاقىت ىشىندە ايىر­تاۋدىڭ دا ايى وڭىنان تۋادى. وعان سەنىم مول.

ايتقانداي، شىعىس قازاقستان وبلىسىندا سايلاۋدىڭ ءادىل ءوتۋى ءۇشىن 300-دەن استام تاۋەلسىز با­قىلاۋشى قاتىسادى. 25 شىلدەدە بار­لىق سايلاۋ ۋچاسكەسىندە جۇ­مىس ىستەيتىن 300-دەن استام باقى­لاۋشى ارنايى كۋرستاردان ءوتىپ جاتىر.

– بۇل سايلاۋ حالىقتىڭ بيلىككە دەگەن سەنىمىن، سونداي-اق بي­لىكتىڭ ءوز قىزمەتىنە جاۋاپ­كەر­شىلىگىن ارتتىرادى. ساي­لاۋ پروتسەسى اشىق ءارى زاڭعا سايكەس ءوتۋى ءۇشىن ءبىز باي­قاۋشى­لار­دى دايارلايمىز، – دەي­دى «پار­تيا­لىق ەمەس باقىلاۋ ور­­تا­­لىعى» رەسپۋبليكالىق قو­عام­­دىق بىر­لەستىگى وبلىستىق في­ليا­لى­نىڭ توراعاسى اياۋجان ءاشىموۆا.

ونىڭ ايتۋىنشا، بايقاۋشى بولعىسى كەلەتىندەرگە قويىلاتىن ەڭ ماڭىزدى تالاپ – پروتسەسكە قىزىعۋشىلىق تانىتۋ. ەگەر سايلاۋ ۋچاسكەسىندە بايقاۋشىلار قان­داي دا ءبىر بۇزۋشىلىقتاردى تىر­كەگەن جاعدايدا، ولار بۇل تۋرا­لى وڭىرلىك شتابقا دەرەۋ حابار­لاۋعا ءتيىس. وندا زاڭگەرلەر مەن جاتتىق­تىرۋشىلار ودان ءارى ءىس-قيمىل جاساۋ تۋرالى شەشىم قابىلدايدى. دەمەك سايلاۋدىڭ ءادىل وتەرى انىق.

 

شىعىس قازاقستان وبلىسى،

ۇلان اۋدانى

سوڭعى جاڭالىقتار

شەرحان مۇرتازانىڭ ءۇيى

ادەبيەت • كەشە

«جاسىل» ايماقتا ەكى ءوڭىر

كوروناۆيرۋس • كەشە

بۇگىن - انالار كۇنى

قازاقستان • كەشە

الماتىدا تەگىن ءدارى-دارمەك قاتارى ارتتى

مەديتسينا • 18 قىركۇيەك، 2021

الەمدە ەپيداحۋال قانداي؟

الەم • 18 قىركۇيەك، 2021

توكيو مارافونى 2022 جىلعا شەگەرىلدى

سپورت • 18 قىركۇيەك، 2021

الماتىدا تاۋ بوكتەرى ورتەنىپ جاتىر

ايماقتار • 18 قىركۇيەك، 2021

ۇقساس جاڭالىقتار