قازالى اۋدانىندا قىسقا قاجەتتى مال ازىعىن دايىنداۋ جۇمىستارىن ۇيىمداستىرۋ ءۇشىن الدىن الا تالداۋلار جۇرگىزىلىپ, ءىس-شارالار جوسپارى بەكىتىلدى. جۇرگىزىلگەن ەسەپكە سايكەس مال قىستاتۋ ناۋقانىنا 79 400 باس مال تۇسەدى دەپ بولجانىپ, بارلىعى 142 مىڭ توننا ءشوپ جانە 28,6 مىڭ توننا جەم قاجەتتىلىگى ناقتىلاندى. بۇل تۋرالى اۋدان اكىمى مۇحتار ورازباەۆ وڭىرلىك كوممۋنيكاتسيالىق ورتالىقتا وتكەن بريفينگتە حابارلادى.
قازىر 7100 توننا ءشوپ دايىندالعان. ونىڭ 800 تونناسى كورشى اۋدانداردان ساتىپ الىنىپ وتىر.
«كورشىلەس اۋدانداردان مال ازىعىن تاسىمالداۋ شىعىندارى 269,2 ملن تەڭگە بولادى. سونىيەن قاتار, قر پرەمەر ءمينيسترىنىڭ ورىنباسارى ۆ.سكلياردىڭ تاپسىرماسىنا وراي وبلىسقا سىرتتان تەمىرجول ارقىلى جەتكىزىلەتىن جەم-ءشوپتىڭ تاسىمالداۋ قۇنىن ارزانداتىلىپ وتىر», دەدى اۋدان اكىمى.
