الەۋمەتتىك جەلىلەردە كەشكى ۋاقىتتا پويىزعا وتىرعان جولاۋشىلار سۋعا تۇنشىقپاس ءۇشىن باستارىن سۋ بەتىنە شىعارىپ دەمالىپ تۇرعان بەينەجازبالار تاراپ كەتكەن. شەنەۋنىكتەردىڭ ايتۋىنشا, حەنان پروۆينتسياسىنداعى تۋننەلدەردەن 500-دەن استام ادام قۇتقارىلعان.
تولاسسىز جاۋعان جاۋىن ۇلكەن زيان كەلتىرگەن. بارلىعى 200 مىڭ ادام ەۆاكۋاتسيالانعان. جەر ۇستىندەگى جولدار وزەندەرگە اينالىپ, جول ۇستىندەگى كولىكتەر مەن قوقىستار سۋمەن اققان.
حەنان پروۆينتسياسىندا وننان استام قالا زارداپ شەكتى. ەل باسشىسى سي تسزينپين سارسەنبىدە «ادام شىعىنى مەن ماتەريالدىق شىعىن وراسان» ەكەنىن ايتتى. بىرنەشە بوگەت پەن سۋ قويمالارى قالىپتى دەڭگەيىنەن اسىپ, جاعادان شىققان وزەندەردى بۇرۋ ءۇشىن ساربازدار جۇمىلدىرىلدى. پروۆينتسيانىڭ كوپتەگەن اۋدانىندا اۋە مەن كولىك رەيستەرى جانە پويىزدار توقتاتىلدى.
ءوڭىر ورتالىعى چجەنچجوۋدا ءۇش كۇننىڭ ىشىندە ورتاشا جىلدىق جاۋىن-شاشىن تۇسكەن. حەنان سەنبىدەن باستاپ سيرەك كەزدەسەتىن تابيعي اپاتتاردىڭ ءبىرىن باسىنان كەشىردى. جەرگىلىكتى بيلىك سۋ تاسقىنىن مىڭ جىلدا ءبىر رەت بولاتىن وقيعا دەپ اتادى.
