ايماقتار • 21 شىلدە، 2021

ماس كۇيىندە سكۋتەر جۇرگىزگەن جىگىت اپاتقا ۇشىرادى

380 رەت كورسەتىلدى

پەتروپاۆلدا 20 جاستاعى جىگىت ماس كۇيىندە سكۋتەرمەن كەلە جاتىپ اپاتقا ۇشىرادى، دەپ حابارلايدى Egemen.kz.

سولتۇستىك قازاقستان وبلىسى پوليتسيا دەپارتامەنتى ءباسپاسوز قىزمەتىنىڭ مالىمەتىنشە، 21 شىلدە كۇنى ساعات 02.30 شاماسىندا 20 جاستاعى پەتروپاۆل تۇرعىنى «Alpha» سكۋتەرىمەن كەلە جاتىپ اپاتقا ۇشىراعان. ونىڭ كولىگى پەتروپاۆلداعى جامبىل مەن گاشەك كوشەلەرىنىڭ قيىلىسىندا جول شەتىندەگى جيەكتاسقا ءىلىنىپ قالعان. جىگىت امان قالدى. سىنعان سكۋتەردىڭ قاسىندا تۇرعان جۇرگىزۋشىنى ءوتىپ بارا جاتقان اۆتوپاترۋل بايقاعان.

بۇل كولىك قۇرالى جىلدامدىقتى ساعاتىنا 50 كم-دەن اسىرا الادى.

جىگىتتىڭ جۇرگىزۋشى كۋالىگى بولماعان. مەديتسينالىق كۋالاندىرۋ ماس بولعانىن كورسەتتى. اكىمشىلىك ماتەريال جينالدى. ەندى ول 20 تاۋلىككە دەيىن قاماۋعا الىنۋى مۇمكىن.

«جاستار اراسىندا سكۋتەر سۇرانىسقا يە. ونىمەن كوبىنەسە كولىك جۇرگىزۋ تاجىريبەسى جوقتار جانە جۇرگىزۋشى كۋالىگىن الماعاندار جۇرەدى. قوزعالتقىشتىڭ ىشتەن جانۋ كولەمى 50 تەكشە سانتيمەتردەن اسپايتىن نەمەسە ەلەكتر قوزعالتقىشى بار جانە ساعاتىنا 50 كم-دەن جىلدامدىقتى ارتتىرمايتىن كولىك قۇرالدارىن جۇرگىزۋ ءۇشىن جۇرگىزۋشى كۋالىگى قاجەت ەمەس. تەك ول ءۇشىن 16 جاستان اسۋ كەرەك. بىراق كىم بولسا دا جولدا ءجۇرۋ ەرەجەسىن بىلۋگە مىندەتتى»، دەيدى سقو پد جپب باستىعىنىڭ مىنەتىن اتقارۋشى الەكساندر روزباح.

ەكى دوڭعالاقتى كولىك يەلەرى تەك 18 جاستان باستاپ قانا جولاۋشى تاسىمالداي الادى. ولار موتوشلەم كيۋگە مىندەتتى. تروتۋارمەن جۇرۋگە تىيىم سالىنعان. ال جولدا تەك وڭ جاعىمەن عانا جۇرۋگە بولادى.

سوڭعى جاڭالىقتار

«شىڭىراۋ» شىڭعا شىقسىن

ونەر • بۇگىن، 00:18

تىڭ تاسىلدەردىڭ ءتيىمدى تۇسى كوپ

مەديتسينا • بۇگىن، 00:14

پاسپورت

رۋحانيات • كەشە

جەكە پەسا جازۋعا لايىق

رۋحانيات • كەشە

انا مەيىرىمى

قوعام • كەشە

دوللار ارزاندادى

قارجى • كەشە

ۇقساس جاڭالىقتار