سپورت • 21 شىلدە، 2021

وليمپيادا وتپەي قالۋى مۇمكىن بە؟

206 رەت كورسەتىلدى

توكيوداعى وليمپيا ويىندارىن ۇيىمداستىرۋ كوميتەتىنىڭ باس ديرەكتورى توسيرو مۋتو ءدۇبىرلى دودا باستالعانعا دەيىن جاعداي ۋشىعىپ كەتسە، ويىندار بولماۋى مۇمكىن ەكەنىن ايتتى. 

جارىستىڭ اشىلۋ سالتاناتى 23 شىلدەگە جوسپارلانعانى بەلگىلى. 20 شىلدە كۇنى وليمپيادا قالاشىعىندا تەكسەرىس كەزىندە كوروناۆيرۋسپەن 9 ادامنىڭ جاڭادان اۋىرعانى بەلگىلى بولدى. ولاردىڭ ىشىندە ءۇش سپورتشى بار: ەكى وڭتۇستىكافريكالىق فۋتبولشى جانە چەحيادان كەلگەن جاعاجاي ۆولەيبولىنىڭ ويىنشىسى. جالپى وليمپياداعا كەلگەن سپورتشىلار مەن دەلەگاتتار اراسىنان ىندەتتى جۇقتىرعاندار سانى 71-گە جەتتى.

Skysports.com-نىڭ حابارلاۋىنشا، ت.مۋتو الداعى ۋاقىتتا كوروناۆيرۋس جۇقتىرعاندار سانى قانداي بولاتىنىن بولجاي المايتىنىن ايتقان. «ەگەر تولقۋلار بولسا، ءبىز كوروناۆيرۋس جاعدايىنا سۇيەنە وتىرىپ، تاعى دا بەس جاقتى كەلىسسوزدەر جۇرگىزەمىز دەپ كەلىستىك. قا­زىر­گى ۋاقىتتا كوروناۆيرۋس جۇق­تىر­عاندار سانى ارتۋى نەمەسە ازايۋى مۇمكىن. سوندىقتان ءبىز جاعدايدى ءجىتى باقىلاۋدا ۇس­تايمىز»، دەدى مۋتو.

ساۋالدامالارعا سۇيەنسەك، ەل تۇرعىندارىنىڭ كوپشىلىگى بيىلعى وليمپيا ويىندارىنىڭ وتۋىنە قارسى. جاپپاي نارازىلىق سالدارىنان وليمپيادانىڭ نەگىزگى دەمەۋشىلەرىنىڭ ءبىرى Toyota كومپانياسى تەلەەفيردەن ويىنعا بايلانىستى جارناماسىن الىپ تاستادى. ال ونىڭ باسشىلىعى اشىلۋ راسىمىنە قاتىسپاۋ تۋرالى شەشىم قابىلدادى. سەبەبى ەلدەگى پاندەمياعا قاتىستى جاعداي قيىن بولىپ تۇر. 19 شىلدەدەگى احۋال بويىنشا جاپونيادا ينفەكتسيانى جۇقتىرعاندار سانى

2 368-گە ارتتى. ولاردىڭ جارتىسىنا جۋىعى توكيودا تىركەلگەن.

سوڭعى جاڭالىقتار

ۇقساس جاڭالىقتار