ەندى توكيودا وتەتىن حالىقارالىق وليمپيادا ويىندارىندا سپورتشىلار «جىلدامىراق, بيىك, كۇشتىرەك - بىرگە» دەپ ۇرانداتاتىن بولادى.
«ۇيىمشىلدىق – سپورت ارقىلى الەمدى جاقسارتا تۇسۋدەگى ءبىزدىڭ نەگىزگى ميسسيامىز. جىلدام بولۋ ءۇشىن, جوعارى بيىك شىڭداردى باعىندىرۋ ءۇشىن, مىقتى بولۋ ءۇشىن ءبىز بىرگە بولۋىمىز كەرەك», دەدى حالىقارالىق وليمپيادا كوميتەتىنىڭ پرەزيدەنتى توماس باح.
وليمپيادانىڭ قازىرگى ۇرانى «جىلدامىراق, بيىك, كۇشتىرەك» 1894 جىلى العاشقى وليمپيادا كونگرەسىنىڭ شەشىمىمەن بەكىتىلدى.
حوك باسشىسى توماس باح «ۇيىمشىلدىق» سوزىنە ەرەكشە توقتالىپ ءوتتى, سوندىقتان ۇرانداعى «بىرگە» ءسوزى ۇيىمشىلدىقتى بىلدىرەدى.
ەسكە سالا كەتسەك, XXXII جازعى وليمپيادا ويىندارى 23 شىلدە-8 تامىز ارالىعىندا جاپونيا استاناسى توكيودا وتەدى.
قازاقستاننىڭ قۇراما كومانداسى 27 سپورت تۇرىنەن 97 ليتسەنزيانى قانجىعالادى.
16 شىلدە كۇنى ەل نامىسىن قورعايتىن سپورتشىلار جاپونياعا اتتاندى.
