شقو پوليتسيا دەپارتامەنتى قوعامدىق ءتارتىپتى ساقتاۋدى قامتاماسىز ەتۋ بويىنشا قىزمەت اتقارۋدىڭ كۇشەيتىلگەن رەجيمىن ۇيىمداستىردى.
وسى ماقساتتا 13 پاترۋلدەۋ باعىتى, ونىڭ ىشىندە 11 جاياۋ جانە ەكى اۆتوموبيل ءپاترۋلى ازىرلەندى. جاعالاۋدا بەس ستاتسيونارلىق بەكەت جۇمىس ىستەيدى.
جازعى ماۋسىمنىڭ اشىلۋ كەزەڭىندە 15 ماۋسىمنان باستاپ بۇگىنگى كۇنگە دەيىن پوليتسيا قىزمەتكەرلەرى 700-دەن استام اكىمشىلىك قۇقىق بۇزۋشىلىقتى انىقتادى, ونىڭ ىشىندە:
- 70 الكوگولدىك ىشىمدىكتەر ءىشۋ جانە ماس كۇيىندە بولۋ فاكتىلەرى;
- كامەلەتكە تولماعانداردىڭ تۇنگى ۋاقىتتا ويىن – ساۋىق مەكەمەلەرىندە نەمەسە زاڭدى وكىلدەرىنىڭ ەرىپ ءجۇرۋىنسىز تۇرعىنجايدان تىس جەردە بولۋىنىڭ 37 فاكتىسى;
- تىنىشتىقتى بۇزۋدىڭ 3 فاكتىسى;
- قالالار مەن ەلدى مەكەندەردىڭ اۋماقتارىن اباتتاندىرۋ ەرەجەلەرىن بۇزۋدىڭ 12 فاكتىسى;
- جول قوزعالىسى ەرەجەلەرى مەن جول قاۋىپسىزدىگىن بۇزۋدىڭ 526 فاكتىسى;
- قورشاعان ورتانى قورعاۋ بويىنشا 36 فاكتى (ورتاق سۋ پايدالانۋ ەرەجەلەرىن بۇزۋ, تىيىم سالىنعان جەرلەردە شاعىن كەمەلەردە جانە باسقا دا ءجۇزۋ قۇرالدارىندا ءجۇزۋ).
