19 شىلدە كۇنى ساعات 17.00 شاماسىندا ماڭعىستاۋ قالاسى بويىنشا قاج دەپارتامەنتىنىڭ گم-172/6 مەكەمەسىندە سوتتالعاندارعا ارنالعان جاتاقحانالاردىڭ بىرىندە ەكى قاباتتى عيماراتتىڭ بىرتىڭدەپ قۇلاۋى ورىن الدى.
«بۇگىندە زارداپ شەككەندەردىڭ تورتەۋى مەديتسينالىق تەكسەرۋدەن كەيىن مەكەمەگە قايتارىلدى, ولاردىڭ جاعدايى جاقسى. كوز جۇمعان سوتتالعانداردىڭ جاقىن تۋىستارىمەن بايلانىس ورناتىلىپ, قاجەتتى كومەك كورسەتىلىپ جاتىر. زارداپ شەككەندەردىڭ بىرەۋى اۋىر حالدە, ۇشەۋى ورتاشا دەڭگەيدە ءتۇرلى جاراقات العان», دەلىنگەن ءىىم قىلمىستىق-اتقارۋ جۇيەسى كوميتەتىنىڭ ءباسپاسوز قىزمەتى تاراتقان حابارلامادا.
قۇرامىندا مينيستر ورىنباسارى ارىستانعاني زاپپاروۆ, قاج كوميتەتىنىڭ باسشىلىعى, ۇلتتىق الدىن الۋ تەتىگىنىڭ قاتىسۋشىلارى بار كوميسسيا جاعدايدى انىقتاۋ ءۇشىن وقيعا ورنىنا شىقتى.
اتالعان فاكتى بويىنشا ماڭعىستاۋ وبلىسىنىڭ پوليتسيا دەپارتامەنتى قر قك 278-بابىنىڭ 3 تارماعىنا سايكەس سوتقا دەيىنگى تەرگەۋدى باستادى. ارنايى كوميسسيا قاج مەكەمەسىنىڭ اۋماعىنداعى بارلىق عيماراتتارعا تەحنيكالىق تەكسەرۋ جۇرگىزۋدە.
