وبلىستىق دەنساۋلىق ساقتاۋ باسقارماسىنىڭ ءباسپاسوز قىزمەتىنەن ءمالىم ەتكەندەي, قازىر مودۋلدىك اۋرۋحانانىڭ ينفەكتسيالىق ستاتسيونارىندا كوروناۆيرۋس جۇقتىرعان 195 ناۋقاس ەم قابىلداۋدا. ونىڭ ىشىندە 87 جۇكتى, بوسانعان 10 ايەل مەن جاڭا تۋعان 7 نارەستە بار.
«بيىلعى ناۋرىزدان بەرى مودۋلدىك اۋرۋحانادا 88 ءسابي دۇنيەگە كەلدى. سابيلەردەن كوروناۆيرۋس ينفەكتسياسىنا قارسى الىنعان پتر-تەست تەرىس ناتيجە كورسەتتى. الايدا, جۇكتى ايەلدەردە قاۋىپتى ۆيرۋستى جۇقتىرۋ قاۋپى جوعارى ەكەنى بايقالىپ وتىر. سوندىقتان, ومىرگە ءسابي اكەلۋدى جوسپارلاعان نەمەسە جۇكتى ايەلدەرگە قاۋىپتى ينفەكتسيادان بارىنشا قورعانۋعا شاقىرامىن», دەيدى №2 وبلىستىق اۋرۋحانانىڭ ديرەكتورى ماعجان سيدجانوۆ.
