سونداي-اق, قازىر پەتروپاۆل قالاسىنىڭ تاعى دا ءتورت تۇرعىنى ىزدەستىرىلۋدە. ولاردىڭ اراسىندا ەستە ساقتاۋ قابىلەتى ناشار 73 جاستاعى كەيۋانا بار. 3 ماۋسىم كۇنى پوليتسياعا ونىڭ ۇلى جۇگىنىپ, بىرنەشە كۇن بۇرىن اناسىنىڭ ۇيدەن شىعىپ كەتىپ, قايتىپ كەلمەگەنىن حابارلايدى.
ىزدەستىرۋدەگى ادامداردىڭ جۇرگەن جەرلەرى تۋرالى اقپاراتتارىڭىز بولسا, پوليتسەيلەر پەتروپاۆل قالاسىنداعى 39-41-16 نەمەسە «102» ارناسىنا حابارلاسۋلارىڭىزدى سۇرايدى.
«جاقىن ادامدارىنىڭ جوعالىپ كەتۋى تۋىستارى ءۇشىن ۇلكەن قايعى. كوپ جاعدايدا جوعالعانداردىڭ ءومىر ءسۇرۋ جاعدايى ولاردى قاي جەرلەردەن ىزدەۋ قاجەت ەكەنىن انىق كورسەتەدى. ال ەستە ساقتاۋ قابىلەتىنەن ايىرىلعان ادامدى ىزدەۋ قيىنعا سوعادى. ونىڭ تۇراتىن مەكەنجايى, ساپارجاي, قالانىڭ بىرقاتار اۋداندارى, مەديتسينالىق مەكەمەلەر, بەيىمدەۋ ورتالىعى, قابىلداپ-تاراتۋ ورنى تەكسەرىلدى. ىزدەۋ جۇمىستارى ءالى دە جالعاسۋدا. وعان ەرىكتىلەر دە تارتىلعان. ولار جوعالعاندار تۋرالى باعدارلاردى, قالا كوشەلەرىندە تاراتىپ, الەۋمەتتىك جەلىلەردە جاريالايدى. جەلى قولدانۋشىلارى حابارلايتىن اقپاراتتاردى جەتكىزەدى», دەيدى سقو پد كريمينالدىق پوليتسيا باسقارماسى باستىعىنىڭ مىندەتىن اتقارۋشى پوليتسيا پودپولكوۆنيگى مارات جۇماليەۆ.
وبلىستا جىل باسىنان بەرى جوعالعاندار تۋرالى 223 ارىز ءتۇسىپ, ولاردىڭ 219-ى ىزدەپ تابىلعان.
