«جاپونيانىڭ استاناسى توكيو قالاسىنا كەلىپ, وليمپيادالىق اۋىلعا ورنالاستىق. مۇندا سپورتشىلارعا كەرەكتى دۇنيەنىڭ ءبارى دە بار. بار جاعداي جاسالعان. ريو وليمپياداسىنا دا قاتىسقانىمدى بىلەسىزدەر. ەگەر سالىستىرمالى تۇردە قاراساق, ەكى ەلدەگى ۇيىمداستىرۋ دەڭگەيى ۇقساس», دەدى بوكسەر.
وليمپيادا قالاشىعىنداعى العاشقى جاتتىعۋ كۇندەرى ويداعىداي ءوتىپ جاتقانىن دا تىلگە تيەك ەتتى.
«توكيودا جاتتىعۋدى باستاپ كەتتىك. ارنايى ترەناجەر زالى دا بار ەكەن. بارلىق ەرەجەلەردى ساقتاپ ءجۇرمىز. كۇنىنە بىرنەشە رەت پتر تەست تاپسىرامىز. ارينە, بۇل ازداپ جالىقتىرادى. دەگەنمەن, بارشا الەم پاندەميامەن كۇرەسىپ جاتقاندىقتان, بۇل تالاپقا مويىنسۇنامىز», دەيدى ابىلايحان ءجۇسىپوۆ.
