مەتاللۋرگتەر كۇنىنە وراي «Kazzink» كومپانياسى ءۇش جىل بويى «ىزگى جۇرەك» بايقاۋى اياسىندا وزگەلەردى قۇتقارۋ ءۇشىن ءوز ءومىرىن قاتەرگە تىككەن ەڭ باتىل جانە ەرجۇرەك شىعىسقازاقستاندىقتاردى ماراپاتتادى. الەۋمەتتىك جەلىلەردەگى پايدالانۋشىلار جاقىن ادامىنا ومىرگە قاۋىپتى جاعدايدا كومەكتەسكەن الەۋەتتى كەيىپكەرلەردىڭ كانديداتۋرالارىن ۇسىنىپ, شقو تج قولداۋىمەن قاتىسۋشىلار ءتىزىمى قۇرىلادى. سوڭعى كەزەڭدە رەسمي سايتتا داۋىس بەرۋ ارقىلى حالىق سۇيىكتىسى اتانعان كەيىپكەرلەر انىقتالادى. بيىلعى جىلى فيناليستەردىڭ قاتارىندا 3000-نان استام داۋىس جيناعان پوليتسيا قىزمەتكەرلەرى - دياس اعزاموۆ پەن ازامات ىبىرايحانوۆ بار.
سەمەي قالاسىنىڭ ەكى پوليتسيا قىزمەتكەرى تۇنگى ۋاقىتتا قىزمەت اتقارۋ بارىسىندا پارحومەنكو كوشەسى بويىندا كۇلدىڭ سوڭىنان ەرىپ كەلە جاتقان قالىڭ ءتۇتىندى بايقادى. ءتۇتىن كوزىنە قاراي باعىت الىپ, جانىپ تۇرعان ءۇي توبەسىن كوردى.
ءورت تۋرالى 101-ارناعا حابارلاپ, ءتارتىپ ساقشىلارى ءورت سوندىرۋشىلەردى كۇتپەي, دۋال ارقىلى ءوتىپ, ادامداردى وتتان ەۆاكۋاتسيالاۋعا اسىقتى. اس ءۇيدىڭ تەرەزەسى ارقىلى ىشكە كىرە سالىسىمەن العاشقى ادامدى تاۋىپ, ۇيدەگى ادامداردىڭ ناقتى سانىن انىقتاپ, ولارعا شىعۋعا كومەكتەستى. وتباسىلىق جۇپتى جالىننان ارباپ, ولاردىڭ 18 جاسار ۇلى مەن 90 جاستاعى اتاسىن تەرەزەدەن شىعاردى. دياس اعزاموۆ پەن ازامات ىبىرايحانوۆ كەز كەلگەن سەكۋندتا جارىلۋ قاۋىپى بار ەكى گاز باللوندى شىعارىپ ۇلگەردى.
وسى ەرلىگى ءۇشىن ولار «ىزگى جۇرەك» ماراپاتىنا جانە «Kazzink» كومپانياسىنىڭ ميلليون تەڭگەسىنە يە بولدى.
