«ۆاكتسيناعا قارسى توپ بىرتەكتەس ەمەس. ۆاكتسيناتسيادان باس تارتۋدىڭ سەبەپتەرى ءار ءتۇرلى. مۇنداي ادامداردىڭ اراسىندا كۇماندانۋشىلار كوپ. ءبىز ولاردى بارلىق تاسىلدەرمەن, سونىڭ ىشىندە الەۋمەتتىك جەلىلەر ارقىلى سەندىرۋىمىز كەرەك. كەيبىر دامىعان باتىس ەلدەرى كوندىرۋ ادىسىنەن ماجبۇرلەۋ شارالارىنا اۋىسىپ جاتىر. ءبىز مۇنى ىستەمەيمىز. تەك ءىرى ەڭبەك ۇجىمدارىنىڭ قىزمەتىنە قاتىستى ەرەكشە جاعدايلار بار. ويتكەنى ءبىز ۆاكتسيناعا قارسى شاعىن توپتىڭ اسەرىنەن باسقا ازاماتتارىمىزعا قاۋىپ توندىرە المايمىز», دەدى پرەزيدەنت.
ق.توقاەۆ بۇگىندە 2,8 ميلليونعا جۋىق ادام يممۋنداۋ كۋرسىن اياقتاعانىن اتاپ ءوتتى. الايدا, جاقسى ديناميكاعا قاراماستان, ايماقتار بويىنشا العاندا جاعداي ءار ءتۇرلى.
پرەزيدەنتتىڭ ايتۋىنشا, ۆاكتسينالاردى تاسىمالداۋ مەن ساقتاۋدىڭ بارلىق اسپەكتىلەرى ناقتى پىسىقتالۋى كەرەك. سوڭعى مالىمەتتەر كورسەتكەندەي, بارلىق ايماقتار بۇل جۇمىستى دۇرىس ۇيىمداستىرماعان.
