الەم • 19 شىلدە، 2021

يراندا ءۇش كۇن قاتارىنان نارازىلىق اكتسيالارى ءوتتى

25 رەت كورسەتىلدى

يراننىڭ حۋزەستان پروۆينتسياسىندا ءۇشىنشى كۇنى سۋ بەرۋدىڭ ۇزىلۋىنە بايلانىستى نارازىلىق شارالارى ۇيىمداستىرىلدى، دەپ حابارلايدى Egemen.kz. بۇل جايىندا انادولى اگەنتتىگى حابار تاراتتى. 

نارازىلىق اكتسياسى 15 شىلدە كۇنى ارابتار كوپتەپ قونىستانعان يراننىڭ وڭتۇستىك-باتىسىنداعى حۋزەستان پروۆينتسياسىندا باستالدى.

جەرگىلىكتى اقپارات كوزدەرىنىڭ حابارلاۋىنشا، كەشە تۇندە احۆاز، سۋسەندجەرد، كۋت-ابدۋللا، شۋش جانە كەرحە قالالارىندا نارازىلىق شارالارى جالعاسقان. ازاماتتار سۋمەن قامتاماسىز ەتۋ ماسەلەسىن شەشۋدى تالاپ ەتكەن. 

سۋسەندجەرد قالاسىندا نارازىلىق بىلدىرۋشىلەر دەپۋتات قاسىم ءسايديدىڭ ءۇيىنىڭ ماڭىنا جينالىپ، سىني ماعىنداعى ۇراندار ايتتى. 

نارازىلىق بىلدىرۋشىلەر كارۋن وزەنىنەن سۋدى ەلدىڭ باسقا پروۆينتسيالارىنا بەرۋ جوباسىن جۇزەگە اسىرۋدى توقتاتۋدى تالاپ ەتتى. ولاردىڭ ايتۋىنشا، سونىڭ سالدارىنان سۋ تاپشىلىعى تۋىندايدى. 

كەيبىر قالالاردا پوليتسيا مەن دەمونسترانتتار اراسىندا قاقتىعىستار باستالدى. دەمونسترانتتار كوشەلەردى جاۋىپ، عيماراتتاردى ورتەگەن.

سوڭعى جاڭالىقتار

اقسۋدا قارتتار ءۇيى ورتەندى

ايماقتار • بۇگىن، 09:57

ۇقساس جاڭالىقتار