باپكەردىڭ ايتۋىنشا, توكيودا كوروناۆيرۋستى ينفەكتسياعا بايلانىستى كوپتەگەن شەكتەۋلەر ەنگىزىلگەن. ارنايى ەرەجەلەردى بۇزباۋ كەرەك.
«اۋەجايدا بىرنەشە رەت پتر تەست تاپسىردىق. كەيىن اككرەديتاتسيا قاعازىن الاردا تاعى دا تەستتەن وتتىك. ياعني, ۆيرۋستىڭ بولماۋىن قاتال قاداعالاۋدا.
بوكسشىلار وليمپيادا قالاشىعىنا ورنالاستى. مۇندا بار جاعداي جاسالعان. تاماقتارى دا جاقسى, بارشا الەم حالىقتارىنا ارنالعان تاعامدار بار. باسشىلارمەن جينالىس وتكىزىپ, الداعى جوسپارلاردى تالقىلادىق. وليمپياداداعى ارنايى ەرەجەنى دە ءتۇسىندىردى. جولدان ازداپ شارشاعان ەدىك, بۇگىن ەس جيىپ, كەشكى جاتتىعۋعا دايىندالىپ جاتىرمىز.
ءبىزدىڭ ءبىرىنشى جاتتىعۋىمىز دالادا وتەدى. كليماتقا بەيىمدەلۋدى باستايمىز. ال ەرتەڭنەن باستاپ زالدا جاتتىعۋ كەستەسىن بەردى. زالدا جاتتىعۋدىڭ دا وزىندىك ەرەجەسى بار. ۇلكەن جاتتىعۋ زالى بار ەكەن. ونى دا كورىپ شىقتىق.
وليمپيادالىق اۋىلداعى ۇيىمداستىرۋ جۇمىستارى جوعارى دەڭدەيدە. بەتپەردەنى مۇلدە شەشۋگە بولمايدى, اراقاشىقتىقتى دا ساقتاپ ءجۇرمىز. بارىنشا مۇقيات بولىپ, جارىسقا دايىندالامىز», دەيدى عالىمبەك كەنجەباەۆ.
ايتا كەتەيىك, بوكستان قازاقستان نامىسىن سەگىز سپورتشى قورعايدى. بوكسشىلار باسەكەسى 8 تامىزدا اياقتالادى.
فوتو: جەڭىس ىسقاباي
