«وليمپيادا ويىندارى - ءار سپورتشىنىڭ ومىرىندەگى ەڭ ۇلكەن دودا. ءار سپورتشى كاسىبي سپورتقا قادام باسقاندا وليمپ شىڭىن باعىندىرۋدى كوزدەيدى. سول ءۇشىن تەر توگىپ, ەڭبەكتەنەدى.
وسى ورايدا, توكيو وليمپياداسىنا اتتانعان ءاربىر قازاقستاندىق اتلەتكە جەڭىس تىلەيمىن, ساتتىلىك تىلەيمىن! وليمپيادانىڭ اتموسفەراسىن سوزبەن جەتكىزۋ مۇمكىن ەمەس. وليمپيادانىڭ رۋحىن سول ويىنعا قاتىسقان ادام عانا سەزىنە الادى. سوندىقتان, بار الەم وكىلدەرى جينالعان جارىسقا قاتىسۋدىڭ ءوزى ۇلكەن جەڭىس ەكەنىن ايتقىم كەلەدى.
ءبىر وليمپياداعا قاتىسقان ادام مىندەتتى تۇردە ەكىنشى وليمپيادادا باق سىناعىسى كەلەدى. ءوزىم سولاي ەتكەنمىن. توكيودا كوركەم گيمناستيكادان ەل نامىسىن قورعايتىن الينا ءادىلحانوۆا سپورتقا 4 جاسىندا كەلگەن ەكەن. بۇگىندە ول 19 جاستا, 15 جىلىن سپورتقا ارنادى. مىنە, وليمپياداعا قاتىسۋ ءۇشىن قانشاما جىلىن, قانشاما ەڭبەگىن سارپ ەتتى. سپورت وڭاي دۇنيە ەمەس. سول سەبەپتى, بارشا قاتىسۋشىلارعا ساتتىلىك تىلەيمىن», - دەدى ءا.يۋسۋپوۆا.
ايتا كەتەيىك, قازاقستاننىڭ وليمپيادالىق كومانداسى توكيو قالاسىنا كەشە اتتاندى.
