«2019 جىلى 25 جەلتوقساندا د.ت. كاسىپكەرلىك قىزمەتپەن اينالىسۋ ماقساتىندا الماتى وبلىسىنىڭ تالدىقورعان قالاسىندا «Lab service plus 1» جاۋاپكەرشىلىگى شەكتەۋلى سەرىكتەستىگىن تىركەگەن. سودان كەيىن ا.ا. ەسىمدى ازاماتپەن جانە سوتقا دەيىنگى تەرگەپ-تەكسەرۋ كەزىندە انىقتالماعان بەلگىسىز تۇلعالارمەن الدىن الا ءسوز بايلاسۋ ارقىلى 2020 جىلعى 13 شىلدەدە الماتى قالاسىندا بانكتەن شوت اشىپ, بانكوماتتىق كارتوچكا مەن ونلاين بانكينگ كىلتىن العان. سولجىلدىڭ 3 تامىزىندا بەلگىسىز تۇلعالار ساعات 16:00-دەن 17:00-گە دەيىنگى ارالىقتا №1 اتىراۋ قالالىق ەمحاناسىنىڭ قارجى-شارۋاشىلىق قىزمەتىنىڭ اقپاراتىنا زاڭسىز قول جەتكىزءىپ, بۋحگالتەريانىڭ قاشىقتىقتان اقپاراتتىق قول جەتكىزۋ جۇيەسىنە رۇقساتسىز كىرگەن. وندا ەمحانا ءۇشىن جوقتولەمدەر جاساپ, №1 اتىراۋ قالالىق ەمحاناسىنىڭ ەسەپشوتىنان «Lab service plus 1» جشس-ءتىڭ ەسەپشوتىنا جانە سوتتالۋشى د.ت.-نىڭ جەكە شوتىنا COVID-19 قارسى كۇرەسكە بولىنگەن قاراجات ەسەبىنەن 70 000 000 تەڭگە اقشانى اۋدارعان. كەيىن سوڭعىسى اقشانى قولما-قول شەشىپ الىپ, №1 اتىراۋ قالالىق ەمحاناسىنا جوعارىدا كورسەتىلگەن سومادا م ۇلىكتىك زيان كەلتىرگەن» دەپ حابارلادى وبلىستىق سوتتىڭ ءباسپاسوز قىزمەتى.
اتىراۋ قالاسىنىڭ №2 سوتىنىڭ ۇكىمىمەن د.ت. مەن ا.ا. قر قىلمىستىق كودەكسىءنىڭ 188-بابىنىڭ 4-بولىگى, 3) تارماعىمەن (ۇرلىق, ياعني الدىن الا ادامدار توبىمەن ءسوز بايلاسۋ ارقىلى, اسا ءىرى مولشەردە, اقپاراتتىق جۇيەگە زاڭسىز كىرۋ جولىمەن, بوتەننىڭ مۇلكىن جاسىرىن جىمقىرۋ) كىنالى دەپ تانىلدى.
سوت قىلمىستىق قۇقىق بۇزۋشىلىقتىڭ سيپاتى مەن قوعامعا قاۋىپتىلىك دارەجەسىن ەسكەرە وتىرىپ, قىلمىستىق كودەكسىءنىڭ 55-بابىنىڭ 2-بولىگىمەن د.ت-عا 6 جىل 6 اي, ا.ا-عا 5 جىل مەرزىمگە باس بوستاندىعىنان ايىرۋ جازاسىن تاعايىندادى.
سوت ۇكىمى زاڭدى كۇشىنە ەنگەن جوق.
