وندا قۇربان ايت مەرەكەسى كەزىندە ءوڭىر تۇرعىندارىنىڭ سانيتاريالىق-ەپيدەميولوگيالىق سالاۋاتتىلىعىن قامتاماسىز ەتۋ جاعدايى ەسكەرىلگەن.
جاڭا قاۋلىدا مەنشىك نىسانىنا قاراماستان بارلىق ۇيىمداردا, سونداي-اق جەكە ۇيلەر مەن مەشىتتە ادام كوپ جينالاتىن ءىس-شارالاردى وتكىزۋگە تىيىم سالىنعانى كورسەتىلگەن. مال سويۋدى ۇيىمداستىرۋ جانە وتكىزۋگە بولمايدى.
«اۆتوكولىكتەر مەن جەكە تۇرعىن ۇيلەردە مال ساتۋعا تىيم سالىنادى. اتالعان جۇمىستار ۆەتەريناريالىق قىزمەتتىڭ رەسمي ۆەتەريانريالىق-سانيتاريالىق قورىتىندىسىن العان سويۋ پۋنكتەرى مەن الاڭداردا ۇيىمداستىرۋعا رۇقسات ەتىلگەن. ال مال سويۋ تەك ۆەتەريناريالىق سەرتيفيكاتى بولعان جاعدايدا جابىق رەجيمدە تەك تاپسىرىسپەن جەتكىزۋ ءۇشىن كەلۋشىلەرسىز جۇرگىزىلەدى. قۇرباندىق شالۋ ونلاين رەجيمدە وتكىزىلەدى», دەپ اتاپ كورسەتىلگەن قاۋلىدا.
سونداي-اق, وبلىستىڭ بارلىق اۋماعىنداعى سويۋ پۋنكتەرىندە كۇشەيتىلگەن مەملەكەتتىك ۆەتەريناريالىق-سانيتاريالىق باقىلاۋ جانە قاداعالاۋ جۇرگىزىلەدى.
كۇشەيتىلگەن سانيتاريالىق-دەزينفەكتسيالىق جۇمىس رەجيمىنىڭ, ەپيدەمياعا قارسى رەجيم تالاپتارىنىڭ ساقتالۋىنا اكىمدىكتەر جانىنداعى ءموبيلدى توپتار ارقىلى مونيتورينگ جۇرگىزىلەدى.
