«رەسەيدە قازاقتاردىڭ فەنومەنى تۋرالى كوپ ايتىلادى. ءبىزدىڭ ءبىر كەزدەسۋىمىزدە دە وسى تۋرالى ءسوز بولدى. شاماسى, مۋزىكا مەن پوەزياعا دەگەن ەرەكشە قاتىناس - گەنەتيكالىق كودىمىزدا بار نارسە. ءبىزدىڭ جەرىمىزدە دۇنيەگە كەلگەندەردىڭ بارىندە اقىندىق قابىلەت بار ەكەنىنە تولىق سەنىمدىمىن», دەدى اقتوتى رايىمقۇلوۆا.
مينيستر 1925 جىلى پاريجدە وتكەن دۇنيەجۇزىلىك كورمەدە ارقا ءانىنىڭ ايگىلى ءداستۇرىن كورەرمەن نازارىنا ۇسىنعان امىرە قاشاۋباەۆتى ەسكە ءتۇسىردى.
«قازىر الەم جاھاندىق سيپاتقا يە بولدى. بارلىق كەدەرگى جويىلدى. ال قازاقستان الەمدىك مادەني كوممۋنيكاتسياعا كوبىرەك ارالاسا باستادى. بۇگىندە ءبىزدى بارلىق كونتينەتتە تىڭدايدى. قازاق ارتيستەرىنىڭ جەتىستىك قۇپياسى مادەني ورتانىڭ, قول جەتىمدى مۋزىكالىق ءبىلىمنىڭ, تابيعي تالانتتىڭ جانە ارينە, ەڭبەكقورلىقتىڭ ەرەكشە ۇيلەسىمىندە دەپ ويلايمىن. مىسالى, يمانبەك, ديماش نەمەسە ءبىزدىڭ باسقا دا ونەر مايتالماندارى تۋرالى كىم نە ايتسا دا, ولاردىڭ جەتىستىگى, ەڭ الدىمەن, كوپ ساعاتتىق جالىندى جۇمىستىڭ ناتيجەسى.
سىرتتان قاراعاندا, ولاردىڭ جەتىستىگى ساتتىلىك سياقتى كورىنۋى مۇمكىن. مىسالى Jah Khalib كونسەرۆاتوريادا وقىدى. مەنىڭ شاكىرتىم. ول كەزدە مەن «ارت-مەنەدجمەنت» كافەدراسىنىڭ مەڭگەرۋشىسى جانە پرورەكتور بولدىم. ول ستۋديادا كوپ جۇمىس ىستەدى. تۇندە جۇمىس ىستەيتىندىكتەن, ساباققا كوزى قىزارىپ كەلەتىن. وتە دارىندى جىگىت. ياعني, ءبارى اياق استىنان كەلە سالعان جوق», دەدى مينيستر.
