وتكەن سەنبىدە قالانىڭ زەينەتكەرلەرى قوعامدىق كولىك اقىسىن تولەۋ كەزىندە كۇتپەگەن ماسەلەگە تاپ بولدى. ولار جول اقىسىن كارتامەن تولەي الماعان. ويتكەنى ۆاليداتور كارتالارىنىڭ بۇعاتتالعانىن كورسەتىپ, قابىلداماي قويعان. ال جولاۋشىلاردىڭ سوزىنشە كارتالارىندا جەتكىلىكتى مولشەردە بالانس قالعان.
«جۇبايىم ەكەۋىمىز زەينەتاقىمىز تۇسكەن سوڭ, قايتا-قايتا ۋاقىت جوعالتپاس ءۇشىن «قازپوچتا» بولىمشەسىنە بارىپ, كولىك كارتاسىنا 5000 تەڭگەدەن سالدىرعان ەدىك. ۆاليداتور قاتە كورسەتكەنى ءۇشىن مۇنىڭ سىرتىندا جۇرگىزۋشىگە تاعى دا 150 تەڭگە تولەۋ كەرەك ەكەن. ماسقارا عوي! بۇعان دەيىن زەينەتكەر رەتىندە 70 تەڭگەدەن تولەپ كەلدىك. سولاي قالۋى كەرەك», دەيدى جولاۋشىلاردىڭ ءبىرى.
بۇعان قاتىستى «قازپوچتا» ۇجىمى ءمان-جايدى ءتۇسىندىردى.
«بۇرىن قوعامدىق كولىك اقىسىن الەۋمەتتىك كارتامەن نولدىك قالدىقپەن دە تولەۋگە بولاتىن ەدى. ول كەزدە مينۋس رەتىندە ەسەپتەلە بەرەتىن. ال قازىر جۇيە وزگەردى. ەگەر ءتيىستى قاراجات جەتىسپەيتىن بولسا, ۆاليداتور تولەمدى قابىلداي المايدى. ەندى ۆاليداتورلاردى ورناتقان كومپانيا كارتاسى بۇعاتتالعان جولاۋشىلاردىڭ قارىزى تولەنگەننەن كەيىن عانا «ق ۇلىپتان بوساتادى», دەيدى «قازپوچتا» ۇجىمى.
