ءىس-شاراعا قر اقپارات جانە قوعامدىق دامۋ ۆيتسە-ءمينيسترى بولات تلەپوۆ, الماتى وبلىسى اكىمىنىڭ ورىنباسارى ارسلان داندىباەۆ, جاستار رەسۋرستىق ورتالىقتارىنىڭ وكىلدەرى جانە ۆولونتەرلەر قاتىستى. ءىس-شارا بارىسىندا سانيتارلىق-ەپيدەميولوگيالىق تالاپتار تولىقتاي ساقتالدى.
رەسپۋبليكالىق سلەتتىڭ باستى مىندەتتەرى رەسپۋبليكانىڭ ۇزدىك ۆولونتەرلىك توپ جەتەكشىلەرىنىڭ تاجىريبە الماسۋى, ولاردى ءوزارا ىنتىماقتاستىققا شاقىرۋ, ۆولونتەرلىك باعىتتار بويىنشا بىلىكتىلىكتى ارتتىرۋ بولىپ تابىلادى.
«مەملەكەتتىڭ كوزدەگەنى - حالىقتىڭ ۆولونتەرلىككە دەگەن قىزىعۋشىلىعىن ارتتىرىپ, ولاردىڭ كۇندەلىكتى قايىرىمدى ىستەرگە قاتىسۋىن داستۇرگە اينالدىرۋ. بۇل باعىتتا بىرقاتار ناقتى قادامدار جۇزەگە اسۋدا. ءبىرىنشى, زاڭنامالىق دەڭگەيدە وزگەرىستەر ەنگىزۋ اياسىندا, ۆولونتەرلەرگە وقۋعا ءتۇسۋ جانە جۇمىسقا ورنالاسۋ كەزىندە جەڭىلدىكتەر بەرۋ, باسقا دا قۇقىقتار مەن مىندەتتەردى كەڭەيتۋ كوزدەلۋدە. ەكىنشى, وتكەن جىلى قۇرىلعان ۆولونتەرلەردىڭ رەسپۋبليكالىق جانە 17 وڭىرلىك فرونت-وفيستەرىنىڭ جۇمىسى جاڭا قارقىن الدى. ءۇشىنشى, بىرقاتار قايىرىمدىلىق جانە الەۋمەتتىك ماڭىزى بار ءىس-شارالار مەملەكەت باسشىسىنىڭ باستاماسى بويىنشا قولعا الىنعان «قايىرىمدى ىستەر مارافونى» شەڭبەرىندە ىسكە اسىپ جاتىر. ءتورتىنشى, بىلتىر بۇۇ باس اسسامبلەياسىنىڭ 75-ءشى سەسسياسىندا پرەزيدەنتىمىز قاسىم-جومارت كەمەل ۇلى توقاەۆ ۆولونتەرلەردى جۇمىلدىرۋدىڭ حالىقارالىق جىلىن جاريالاۋ تۋرالى باستاماسىن ۇسىندى. وسى يدەيانى سوڭىنا دەيىن جەتكىزۋ ماقساتىندا حالىقارالىق سەرىكتەستەرمەن بىرلەسكەن جۇمىستار جۇرگىزىلۋدە», دەپ اتاپ ءوتتى ب.تلەپوۆ.
ءىس-شارا بارىسىندا اتالمىش سالاداعى ساراپشىلار ءتۇرلى ترەنينگتەر ۇيىمداستىرىپ, العاشقى ۆولونتەرلىك ويىندار ءوتتى. سونداي-اق, كونتسەرتتىك باعدارلامامەن وتاندىق ەسترادا جۇلدىزدارى ونەر كورسەتتى.
ەستەرىڭىزگە سالا كەتەيىك, 2020 جىلى پاندەميامەن كۇرەستە 500 000 ۆولونتەر كۇش بىرىكتىرىپ, ەلىمىزدىڭ 1 ميلليونعا جۋىق ازاماتىنا كومەكتەستى. بۇگىندە الماتى وبلىسىندا ۆولونتەرلەر سانى ەكى ەسەگە ارتىپ, 7 مىڭعا جەتىپ وتىر.
