ولاردىڭ كوپشىلىگى, 17 ميلليونعا جۋىق بالا, ءبىر جىل ىشىندە ءبىر دە ءبىر ۆاكتسينا الماعان بولۋى مۇمكىن. بۇل الەمدەگى ۆاكتسينا قولجەتىمدىلىگىنىڭ تەڭسىزدىگىن ودان سايىن بۇزادى. بالالاردىڭ كوپشىلىگى قاقتىعىستاردان زارداپ شەككەن ەلدى مەكەندەردە, جەتكىلىكسىز قورعالعان جەرلەردە, بەيرەسمي جەرلەردە نەمەسە كەدەي ەلدەردە ءومىر سۇرەدى. سول سەبەپتى كوپتەگەن مەديتسينالىق-سانيتارلىق كومەك پەن نەگىزگى الەۋمەتتىك قىزمەتتى الا المايدى. اسىرەسە, وڭتۇستىك-شىعىس ازيا مەن شىعىس جەرورتا تەڭىزى ەلدەرىندەگى بالالاردىڭ جاعدايى قيىن.
«باسقا ەلدەر COVID-19 ۆاكتسيناسىن تالاپ ەتىپ جاتقان كەزدە بالالار قىزىلشا, پوليوميەليت نەمەسە مەنينگيت سياقتى اۋىر, بىراق الدىن الۋعا بولاتىن اۋرۋلارعا قارسى ۆاكتسيناتسيا الا الماعان. اتالعان اۋرۋلار ءورشيتىن بولسا, ونسىز دا كوروناۆيرۋسپەن كۇرەسىپ جاتقان دەنساۋلىق ساقتاۋ جۇيەلەرى قيىن جاعدايعا تاپ بولدى. سوندىقتان بالالار ۆاكتسيناسىنا قاراجات سالۋ جانە ءار بالانىڭ الۋىن قامتاماسىز ەتۋ بۇرىنعىدان دا ماڭىزدى بولا ءتۇستى», دەدى ددۇ باس ديرەكتورى تەدروس ادحانوم گرەبرەسيۋس.
ماسەلەن, 2020 جىلى ءۇندىستاندا 3 ملن-نان استام بالا ديفتەريا, سىرەسپە جانە كوكجوتەلگە قارسى ۆاكتسينانىڭ العاشقى دوزاسىن الماعان. بۇل تىزىمدە پاكىستان, يندونەزيا, فيليپپين, مەكسيكا, موزامبيك, انگولا, بىرىككەن تانزانيا رەسپۋبليكاسى, ارگەنتينا, ۆەنەسۋەلا, مالي ەلدەرى بار.
