اۋدان اكىمى راشيد مىڭباەۆ نىسان قۇرىلىسىنىڭ بارىسىن تەكسەرۋ ءۇشىن وتىرار شاعىناۋدانىنداعى № 11, 12, 13/1, 13/ا كوپ قاباتتى ءۇي اۋلالارىندا سالىنىپ جاتقان الاڭشالاردى كوردى. وندا تۇرعىندارمەن كەزدەسىپ, ولاردىڭ ۇسىنىستارى مەردىگەر مەكەمە تاراپىنان ەسكەرىلەتىندىگىن ءتۇسىندىردى.
جىل سوڭىنا دەيىن ءال-فارابي اۋدانىندا جاڭا 27 سپورت جانە بالالار ويىن الاڭشاسى بوي كوتەرەدى دەپ جوسپارلانىپ وتىر. ونىڭ 14-ءى «حالىق قاتىساتىن بيۋدجەت» جوباسى اياسىندا ورناتىلادى. ويىن الاڭشالارىمەن قاتار اۋلانى اباتتاندىرۋ جۇمىستارى دا جۇرگىزىلەتىن بولادى.
تۇرعىنداردىڭ ەركىن وتىرىپ دەمالۋى ءۇشىن بەسەدكا, جاڭا ورىندىقتار مەن قوقىس الاڭشالارى, سپورتپەن شۇعىلدانۋ ەلەمەنتتەرى قوسا ورناتىلادى.
