بەس جىلدا 119 سۋ ارناسى تسيفرلانادى

ءوز سوزىندە مينيستر مەملە­كەت باسشىسى قاسىم-جومارت توقاەۆ سۋ سالاسىن دامىتۋ ماسەلەلەرى­نە كوپ كوڭىل بولەتىنىن اتاپ ءوتتى. بىر­قاتار ماڭىزدى ستراتەگيالىق مىندەتتەر قويىلعانىن ەسكە سالدى. ماسەلەن، پرەزيدەنت سۋارمالى جەر كولەمىن 2030 جىلعا دەيىن قازىرگى 1،6 ملن گەكتاردان 3 ملن گەكتارعا دەيىن ۇلعايتۋ جونىندە تاپسىرما بەردى. سونداي-اق اپاتتى سۋ قويمالارىن قالپىنا كەلتىرۋ، كانالداردى تسيفرلاندىرۋ، توپتىق سۋ قۇبىرلارىن سالۋ قاراستىرىلعان.

– سىزدەر سۋ رەسۋرستارىن ۇتىمدى پايدالانۋ مەن قور­عاۋدىڭ قازىرگى زامانعى تەح­نو­لوگيالارىن قولدانا وتىرىپ، ونى بولاشاق ۇرپاق ءۇشىن ساقتاۋ ماقساتىنداعى مەم­لە­كەتتىك ساياساتتى ءتيىمدى ىسكە اسى­رىپ كەلەسىزدەر. وتكەن جىلى 813 شاقىرىم كانال قاي­تا جاڭارتىلدى. بۇل 53،5 مىڭ گەكتار سۋارمالى جەردى اينا­لىمعا ەنگىزۋگە، 26 مىڭ جۇ­مىس ورنىن قۇرۋعا جانە اۋىل شارۋا­شىلىعى ءونىمىنىڭ كولەمىن 30 ملرد تەڭگەدەن استام سوماعا ۇل­عايتۋعا مۇمكىندىك بەردى. بيىل 78 مىڭ گەكتار سۋارمالى جەردى اينالىمعا ەنگىزۋ ءۇشىن 1 050 شا­قىرىم يرريگاتسيالىق جەلىنى قال­پىنا كەلتىرۋ جوسپارلانعان. بۇل جىل سايىن 66 ملرد تەڭگەنىڭ اۋىل شارۋاشىلىعى ونىمدەرىن وندىرۋگە جانە 16 مىڭ تۇراقتى جۇمىس ورنىن قۇرۋعا مۇمكىندىك بەرەدى، – دەدى ۆەدومستۆو باسشىسى.

سونداي-اق مينيستر سۋ­دى ساپالى جانە ءتيىمدى پايدالانۋ ماق­ساتىندا 2020 جىلى تۇركىستان وبلىسىندا ۇزىندىعى 12 شاقىرىم ما­گيسترالدىق ارنانى تسيفر­لاندىرۋ بويىنشا قاناتقاقتى جوبا ىسكە اسىرىلعانىن ەسكە سالدى. بۇل سۋارمالى سۋدىڭ ارتىق شىعىنىن انىقتاۋعا مۇمكىندىك بەردى. الداعى 5 جىل ىشىندە ۇزىن­دىعى 2،8 مىڭ شا­قىرىم­نان اساتىن 119 ارنانى تسيفرلاندى­رۋ جوسپارلانىپ وتىر.

سالتاناتتى جيىندا سۋ شا­­رۋاشىلىعىنىڭ قىز­­مەت­­كەر­لەرى «سۋ شارۋاشى­لى­­عىنىڭ ارداگەرى»، «سۋ شارۋا­شى­لىعىنىڭ ۇزدىگى» سىندى توس­بەل­گىلەرگە يە بولىپ، قۇرمەت گرا­موتاسىمەن ماراپاتتالدى.