ارنايى كوميسسيانىڭ وتىرىسى

پرەمەر-ءمينيستردىڭ ءب­ى­رىنشى ورىنباسارى ساناق قۇرا­مىن تولىق قامتاماسىز ەتۋ جانە ۆاكتسينالاۋ ماسەلەلەرىنە باسا نازار اۋدارۋدى تاپسىردى. ءتيىستى مەملەكەتتىك ورگاندار مەن اكىمدىكتەرگە ەرىكتىلەر ۇيىمدارىن, ستۋدەنتتەر مەن جۇمىسسىز تۇرعىنداردى سۇح­باتتاسۋشى رەتىندە تارتۋ جۇ­مىسىن كۇشەيتۋ تاپسىرىلدى. ساناق جۇرگىزىلىپ جاتقان كەزدە پەرسونالدىڭ قاۋىپسىزدىگىن قامتاماسىز ەتۋ, سونداي-اق جو­سىقسىز ادامداردىڭ الاياق­تىق ارەكەتتەرىن بولدىرماۋ ەسكەر­تىلدى.

ءا.سمايىلوۆ وڭىرلەردىڭ باسشىلارىنا بۇقارالىق اقپارات قۇرالدارىنداعى باننەرلەر مەن بيلبوردتاردى, جارىق ديودتى ەكرانداردى, ۇنپاراقتاردى, ءتيىستى اقپاراتتىق حابارلامالاردى عانا ەمەس, سونىمەن قاتار حابارلاۋ قۇرالى رەتىندە تۇرعىن ۇيلەردىڭ توپتىق چاتتارىن دا قاراستىرۋ ارقىلى حالىق اراسىندا اقپاراتتىق-ءتۇسىندىرۋ جۇمىستارىن كۇ­شەيتۋدى تاپسىردى. ساناق ناۋقانى اياقتالعانعا دەيىن ەلدى مەكەندەردىڭ قۇرامداس بولىكتەرىنىڭ اتاۋلارىن وزگەر­تۋگە ءموراتوريدى ساقتاۋ ما­سەلەسى دە قايتا كوتەرىلدى. سون­داي-اق اڭگىمە مەملەكەتتىك ور­گانداردىڭ بىرىڭعاي كولىك ورتاسى شەڭبەرىندە شالعاي اۋداندار مەن اۋىلداردا جو­عارى ساپالى ينتەرنەتكە قوسىلۋدى قامتاماسىز ەتۋ ءۇشىن egov.kz ۆەب-پورتالى مەن sanaq.gov.kz سايتىن ين­تە­گراتسيالاۋ ايا­سىندا اتقا­رىلعان جۇمىستار بو­يىن­شا اقپاراتتىق رەسۋرستارعا قول­جە­تىمدىلىكتى قامتاماسىز ەتۋ تۋرالى بولدى.

جيىندى قورىتىندىلاي كەلە, ءا.سمايىلوۆ جەكە تۇل­عالاردىڭ دەرەك­تەرىن قۇپيا ساقتاۋدىڭ ماڭىزدىلىعىن تاعى ءبىر اتاپ ءوتتى جانە مۇنداي مالى­مەتتەر «مەملەكەتتىك ستا­تيستيكا تۋرالى» زاڭمەن قورعا­لاتىنىن جەتكىزدى.

ەستەرىڭىزگە سالا كەتەيىك, 2021 جىلعى ۇلتتىق حالىق ساناعى 1 قىر­كۇيەكتەن 15 قا­زانعا دەيىن sanaq.gov.kz مامانداندىرىلعان ۆەب-ساي­تىندا ونلاين فورماتتا جوس­پارلانعان, ال ساناقتان ونلاين وتپەگەن ازاماتتار ءۇشىن قاجەتتى سانيتارلىق نورمالاردى ساقتاي وتىرىپ, ادەتتەگىدەي ءۇي-ءۇيدى ارالاۋ 1-30 قازان ارالىعىندا ۇيىمداستىرىلادى.