«جاستار اراسىندا ءسۋيتسيدتىڭ الدىن الۋ بويىنشا شارالار كەشەنىن ازىرلەۋ جانە ىسكە اسىرۋ» جوباسى اياسىندا قازاقستاندىق اتا-انالار مەن قامقورشىلار ءۇشىن ترەنينگتەر توپتاماسى ءوتتى. جوسپارعا سايكەس 1000 اتا-انانى وقىتۋ كوزدەلگەن, بىراق ۇيىمداستىرۋشىلاردىڭ ايتۋىنشا, ءىس-شاراعا 1200-دەن استام ادام قاتىسقان.
جوبا ۇيلەستىرۋشىسى ايگۇل بەيمىشوۆانىڭ ايتۋىنشا, ونلاين-وقۋدان وتكەن اتا-انالاردىڭ باسىم بولىگى شىعىس قازاقستان وبلىسىنان كەلگەن, ال ەڭ كوپ سۇراقتار قوستاناي وبلىسىنىڭ تىڭداۋشىلارىنان قويىلدى.
«بىراق اتا-انالار قاي ايماقتان قاتىسسا دا, ولاردى تولعاندىرعان سۇراقتار ۇقساس بولدى. مازاسىز مىنەز-ق ۇلىق بەلگىلەرىن قالاي تانۋعا بولادى؟ بالالارمەن ورتاق ءتىلدى قالاي تابۋعا بولادى؟ جاسوسپىرىمدەردى تراگەديادان قورعاۋ ءۇشىن ەرەسەكتەر نە ءىستەۋى كەرەك؟ دەگەن سەكىلدى سۇرقتار كەلدى», دەدى ا.بەيمىشەۆا.
تامىز ايىنان باستاپ جوبا اياسىندا بەرىلگەن ءبىلىمدى جەرگىلىكتى دەڭگەيدە ودان ءارى تاراتۋ ءۇشىن وبلىستىق دەڭگەيدەگى جاتتىقتىرۋشىلارعا ارنالعان ترەنينگتەر وتەدى.
سونىمەن قاتار جاقىن ارادا قازاقستاندا العاش رەت «قازاقستان جاستارى اراسىندا ءسۋيتسيدتىڭ الدىن الۋ بويىنشا پروفيلاكتيكالىق ءىس-شارالاردىڭ ساپاسىن باعالاۋ اتلاسى» جانە «جاس ادامنىڭ الەۋمەتتىك-پسيحولوگيالىق سالاۋاتتىلىق يندەكسى» ازىرلەنەتىن بولادى.
جاسوسپىرىمدەر ءسۋيتسيدىنىڭ الدىن الۋ جوباسىن ازاماتتىق باستامالاردى قولداۋ ورتالىعىنىڭ قولداۋىمەن «قازاقستاننىڭ تەڭ قۇقىقتارى مەن تەڭ مۇمكىندىكتەرى ينستيتۋتى» قق جۇزەگە اسىرادى.
