سپورت • 13 شىلدە، 2021

توكيو-2020: قازاقستان سپورتشىلارى تۋرالى قىزىقتى 10 دەرەك

762 رەت كورسەتىلدى

بۇكىل الەم تاعاتسىزدانا كۇتكەن تورتجىلدىقتىڭ باستى دوداسىنىڭ باستالۋىنا نەبارى ون كۇن قالدى. تۋرا ون كۇننەن كەيىن 23 شىلدە كۇنى جاپونيا استاناسى توكيودا وتەتىن ءحححىى جازعى وليمپيادا ويىندارى باستالادى. قازاقستان وليمپيادالىق قۇراماسى بۇگىندە بارلىق سپورت تۇرلەرىنەن وليمپيادا ويىندارىنا دەگەن دايىندىقتىڭ سوڭعى كەزەڭىن وتكىزىپ جاتىر. توكيو وليمپياداسىنىڭ ون كۇن قالۋىنا وراي ءتىلشىمىز Olympic.kz سايتىنا سىلتەمە جاساپ، قازاقستان سپورتشىلارى تۋرالى ون دەرەك ۇسىندى.

  1. قۇراما ساپىندا 63 ەر جانە 32 ايەل

قازاقستان وليمپيادالىق قۇراماسى توكيو تورىندە 27 سپورت تۇرىنەن باق سىنايدى. جاپونيا جەرىندە 95 وتاندىق اتلەت ەل نامىسىن قورعايدى. قۇراما ساپىندا 63 ەر جانە 32 ايەل سپورتشى بار. 

 

  1. قوس اتلەت تۋ ۇستايدى

قازاقستاندىق اتاقتى سپورتشى، لوندون وليمپياداسىنىڭ چەمپيونى، جازعى وليمپيادانىڭ جۇلدەلەر جيىنتىعىنىڭ تولىق يەگەرى ولگا رىپاكوۆا جانە بوكستان ۇلتتىق قۇرامانىڭ كاپيتانى، الەم چەمپيوناتىنىڭ ەكى دۇركىن كۇمىس جۇلدەگەرى قامشىبەك قوڭقاباەۆ توكيودا قازاقستان وليمپيادا قۇراماسىنىڭ تۋ ۇستاۋشىلارى رەتىندە تاڭدالدى.

 

  1. «Salta» برەندىمەن جاسالعان فورما 

وتاندىق وليمپياداشىلار وليمپيا ويىندارىنا قازاقستاندىق جانە شەتەلدىك ماماندار ارنايى دايىنداعان كيىممەن اتتانادى. «Salta» برەندىمەن تانىمال سالتانات بايمۇحامەدوۆا وليمپيادالىق كيىمنىڭ سالتاناتتى فورماسىنىڭ ديزاينەرى بولدى. قازاقستاندىق سپورتشىلارعا ارنالعان سپورتتىق فورمانى يسپاندىق Joma كومپانياسى جاسادى.

وليمپيادا فورماسىن دايىنداۋدا 35 سپورتشىدان تۇراتىن كوميسسيا فورمانى تاڭداۋ قۇقىعىن العان جانە ولار وزدەرى توكيودا ولارعا كيۋگە نە ىڭعايلى بولاتىنىن انىقتادى.

 

  1. قۇرامانىڭ كەنجەسى كىم؟

قازاقستان وليمپيادالىق قۇراماسى ساپىنداعى ەڭ جاس سپورتشى 19 جاستا. ول كوركەم گيمناستيكا بويىنشا ونەر كورسەتەتىن الينا ءادىلحانوۆا. 

 

  1. قاي سپورتشى قاي كۇنى باق سىنايدى؟

ءداستۇر بويىنشا وليمپيادا ويىندارىن دزيۋدو، تاەكۆوندو جانە اۋىر اتلەتيكا سىندى سپورت تۇرلەرى باستاپ، وليمپيادا مەدالىن ساراپقا سالادى. سونداي-اق، 23 شىلدەدەن باستاپ بىرنەشە سپورت تۇرىنەن ىرىكتەۋ كەزەڭدەرى باستالادى. 

 

  1. جالعىز ءوزى جەتى جولداماعا يە

سپورتتىق گيمناستيكادان قازاقستان قۇراماسىنىڭ ماقتانىشى  ميلاد كاريمي بىردەن وليمپيادانىڭ جەتى جولداماسىنا قول جەتكىزدى. ول توكيو وليمپياداسىندا كوپسايىس، ەركىن جاتتىعۋ، قول تىرەپ سەكىرۋ، قوسسىرىق، شىعىرشىق، كەرمە جانە گيمناستيكالىق ات سناريادى بويىنشا جارىسقا قاتىسادى.

 

  1. لۋتسەنكوعاسەنىم ارتۋعا بولا ما؟

افيناداعى وليمپيا ويىندارىنان كەيىن (2004) العاش رەت قازاقستاننىڭ ءۇش ۆەلوشاباندوزى توپتىق جارىستا باق سىنايدى. مۇنداي ناتيجەگە قول جەتكىزۋگە كوماندا كوشباسشىسى الەكسەي لۋتسەنكو ۇلكەن ۇلەس قوستى. ول قازاقستانعا جالپى العاندا ازيا قۇرلىعىنىڭ بىردە-ءبىر مەملەكەتى ەنشىلەمەگەن ۇپايدى اكەلدى. ترەكتەگى ۆەلوسپورت (سپرينت، ومنيۋم جانە كەيرين) بويىنشا ءۇش ليتسەنزيا جەڭىپ الدى. ايتا كەتەرلىگى، سپورتتىڭ بۇل ءتۇرى بويىنشا جولداما قازاقستان ءۇشىن تاريحي بولىپ ەسەپتەلەدى. سەبەبى، وسى ۋاقىتقا دەيىن قازاقستاندىق سپورتشىلار اتالعان ديستسيپلينا بويىنشا وليمپيادا ويىندارىنا قاتىسپاعان.

 

  1. ساداقشىلار تاريحي جولداماعا قول جەتكىزدى

ساداق اتۋدان 20 جىلدان كەيىن العاش رەت قازاقستاننان ءۇش ساداقشى وليمپيا ويىندارىندا كوماندالىق جارىسقا قاتىسادى. 2020 جىلعى توكيو وليمپياداسىنا جولداما ۇتىپ العاندار قاتارىندا ساداق اتۋدان قازاقستان كومانداسى بار. سانجار مۇساەۆ، دەنيس گانكين جانە يلفات ابدۋللين حەرتوگەنبوستا (نيدەرلاند) وتكەن الەم چەمپيوناتىندا التىنشى ورىن يەلەنىپ، وليمپيا ويىندارىنا جولداما جەڭىپ العان بولاتىن. سونداي-اق سپورتشىلار جەكەلەي سىندا ونەر كورسەتەدى. 

 

  1. سەگىز جىل ۇزىلىستەن كەيىنگى ورالۋ

سۋ دوبىنان ەرلەر قۇراماسى كوماندالىق ويىن تۇرلەرىنەن جارىسقا قاتىساتىن قازاقستاندىق جالعىز قۇراما بولىپ وتىر. ولار وليمپيا ويىندارىنا سەگىز جىلدان كەيىنگى ۇزىلىستەن سوڭ ورالدى. 

 

  1. توكيوعا 16 شىلدەدە جولعا شىعادى

قازاقستاندىق دەلەگاتسيانىڭ باسىم بولىگى ەكى اپتالىق كارانتيننەن كەيىن قازاقستاننان توكيوعا اتتانادى. كوماندا جاپونياعا 16 شىلدەدە «Air Astana» كومپانياسىنىڭ قولداۋىمەن ۇيىمداستىرىلعان چارتەرلىك رەيسپەن ۇشادى.

وليمپيادا ويىندارىنىڭ اشىلۋ سالتاناتى 23 شىلدە كۇنى توكيو وليمپيادا ستاديونىندا وتەدى.

 

الماتى

 

سوڭعى جاڭالىقتار

ەرلىككە تولى ەڭبەك

قازاقستان • كەشە

شيراز بۇلب ۇلى

ادەبيەت • كەشە

اتا جۇرتتا

ادەبيەت • كەشە

اباي وبلىسىنىڭ اتى وزدى

ايماقتار • كەشە

ۇقساس جاڭالىقتار