كەزدەسۋ بارىسىندا سۇحباتتاسۋشىلار قازاقستان مەن كانادا اراسىنداعى ساۋدا-ەكونوميكالىق ءوزارا ءىس-قيمىلدىڭ ماڭىزدى سالالارى قاتارىنا اۋىل شارۋاشىلىعى جانە جەر قويناۋىن پايدالانۋ, اكادەميالىق الماسۋ, سونداي-اق KazAid جانە CIDA ەكى ەلدىڭ حالىقارالىق دامۋ اگەنتتىكتەرى اراسىنداعى ىنتىماقتاستىقتى اتاپ ءوتتى.
تاراپتار 2021 جىلعى ناۋرىزدا ەكى ەلدىڭ سىرتقى ساياسي ۆەدومستۆولارى باسشىلارىنىڭ ورىنباسارلارى دەڭگەيىندەگى ساياسي كونسۋلتاتسيالاردىڭ تابىستى وتكەنىنە توقتالدى.
وسى تۇرعىدا ەلشىنىڭ ەكىجاقتى ساياسي, ساۋدا-ەكونوميكالىق جانە مادەني-گۋمانيتارلىق قاتىناستاردى دامىتۋعا قوسقان ەلەۋلى ۇلەسى اتاپ ءوتىلدى.
ن.برۋسسو كانادانىڭ قازاقستانداعى ەلشىسى قىزمەتىندە ءتورت جىل قىزمەت اتقاردى, وسى جىلدار ىشىندە كوپتەگەن سالالاردا ەكىجاقتى بايلانىستار نىعايدى. كانادا قازاقستاننىڭ 10 ءىرى شەتەلدىك ينۆەستورلارىنىڭ قاتارىنا ەنە وتىرىپ, بۇگىنگى كۇنگە دەيىن 6 ملرد اقش دوللارىنان استام كولەمدە ەلىمىزگە ينۆەستيتسيا سالدى.
ن.برۋسسونىڭ ەكىجاقتى بايلانىستاردى دامىتۋعا قوسقان جەكە ۇلەسىن ەسكەرە وتىرىپ, كانادالىق ديپلوماتقا قر پرەزيدەنتىنىڭ العىس حاتى تابىس ەتىلدى.
